Sáýir aıynyń basynda Almatydaǵy «Shymbulaq» taý shańǵysy kýrortynda KSRO-ǵa eńbek sińirgen sport sheberi Aleksandra Artemenkonyń memorıaly ótedi.
Egde tartqan jankúıerlerge bul esim jaqsy tanys. 1928 jyly Reseıdiń Krasnodar ólkesinde týyp-ósken ol keıinnen Qazaqstanǵa qonys aýdardy. Almatydaǵy dene shynyqtyrý ınstıtýtynda oqyp júrip, taý shańǵysynan ótken kóptegen jarystarda jeńis tuǵyryna kóterildi. Atap aıtsaq, KSRO-nyń 11 dúrkin chempıony jáne 21 dúrkin júldegeri, respýblıka birinshiliginiń 70 dúrkin jeńimpazy atandy. О́zge de dúbirli dodalarda el namysyn abyroıly qorǵady.
Aleksandra Artemenko 1956 jyly Italııanyń Kortına-d'Ampesso qalasynda alaýy tutanǵan Olımpııa oıyndaryna qatysty. Osylaısha, onyń esimi qysqy ǵalamdyq dodaǵa qatysqan Qazaqstannyń tuńǵysh sportshysy retinde tarıhta qaldy.
Ǵalym SÚLEIMEN,
«Egemen Qazaqstan»