«Qostanaı qalalyq «Soltústik» polısııa bóliminiń polıseıleri 5 mıllıonnan asa teńgeniń zatyn urlaǵan urylardy tap bastyrmady», dep habarlady tilshiler qosynyna Oblystyq polısııa departamentiniń baspasóz qyzmeti. Qostanaıda tal túste urylar jer úıdegi aýyzǵy bólmeniń terezesin qıratyp, 5 mıllıon teńgeden asa qymbat zattardy alyp ketken.
Jedel-izdestirý jumystarynyń arqasynda bir táýlik ishinde kúdikti úsh adam ustady. Olardyń alǵan zattarynyń barlyǵy tárkilendi. Kúdiktilerdiń ústinen QR QK 188-babynyń 4-bólimimen sotqa deıingi tergeý amaldary júrip jatyr.
Polısııa qala turǵyndaryna óz zattaryna abaı bolýy úshin, úıdi kúzet qyzmetine berýge keńes berdi. Oblysta 189 jeke-menshik kúzet uıymdary bar. Búginde «Sıfrly Qazaqstan» baǵdarlamasy sheńberinde kúzet uıymdary mobıldik qosymsha arqyly qyzmettiń zamanaýı túrin usynyp otyr. Qosymsha planshettik kompıýterge nemese smartfonǵa ornalastyrylady. Sol arqyly kúzetetin ǵımarattyń ıesi prıborlardy kúzetke salyp-alýdy óz betinshe basqara alady.
Názıra Járimbet,
«Egemen Qazaqstan»
Qostanaı