Qorǵas shekaralyq baqylaý otrıadynyń aýmaǵynda ornalasqan Halyqaralyq shekara boıy yntymaqtastyǵy ortalyǵynda keshe Ortalyqtan Qazaqstanǵa qaraı qaıtyp kele jatqan 29 jastaǵy Qazaqstan azamatshasy ustaldy. Bul týraly QR UQK ShQ baspasóz qyzmeti habarlady.
«Ol ózimen birge 120 dana, jalpy quny 540 000 teńge turatyn «LRS 100-24» markaly ımpýlstyq qýat kózin alyp kirmekshi bolypty», delingen habarlamada.
Sondaı-aq atalǵan otrıadtyń «Nur-joly» jolaýshylar tekserý bólimshesinde 54 jáne 55 jastaǵy eki qazaqstandyq ustaldy.
«Olar ózderimen birge jolaýshylar avtobýsymen QHR-dan 20 borshatyshqan (býrýndýk), 16 ementumsyq (dýbonos) tekti qus, 24 bulbul, 40 tasbaqa, 50 trıton jáne 10 teńiz shaıanyn elimizge alyp kirmek bolypty. Zańsyz taýarlar men janýarlar aktilenip «Altynkól» keden beketine tapsyryldy», delingen habarlamada.