Úzdik akterler qala ákimi Baqyt Sultanovtyń alǵys hattarymen marapattaldy, dep habarlaıdy astanalyq ákimdiktiń resmı saıty.
Halyqaralyq teatr kúni alǵys hattar qazaq teatrynyń akterleri Aınur Jetpispaevaǵa, Erjan Nurymbetke, Inabat Ábenovaǵa, orys dram teatrynan - Danıl Homkoǵa, Igor Sedınge jáne baletmeıster Roza Belgibaevaǵ tabystaldy.
«Jastar» teatrynan alǵys hatqa Nurlybek Tólegen, Eldos Shaıkenov jáne kórermendermen jumysty uıymdastyrý bóliminiń basshysy Lıazıma Saıbanova ıe boldy. Budan basqa, Qýyrshaq teatrynyń kórkemdik jetekshisi jáne dırektory Quralaı Eshmuratova men Toǵjan Hasanǵalıevaǵa, «Naz» bı teatrynyń qyzmetkerleri Juldyz Begmanovaǵa jáne Álııa Ábylqasymovaǵa, satıra teatrynyń kórkemdik jetekshisi Ernııaz Birimqulovqa jáne akter Álı Bıdahmetov pen Albına Valıevaǵa erekshe qurmet kórsetildi.
Saltanatty marapattaý sharasynan keıin .Qýanyshbaev atyndaǵy memlekettik akademııalyq qazaq mýzykalyq drama teatrynyń, M.Gorkıı atyndaǵy memlekettik akademııalyq orys drama teatrynyń, «Jastar» teatrynyń, «Naz» memlekettik bı teatrynyń, Qýyrshaq teatry men Komedııa teatrynyń ujymdary óz ónerin qalyń kórermen nazaryna usyndy.
«Táýelsizdik jyldary elordamyz mádenıet pen óner salasynda jańalyqtar men ınnovasııalar jarshysyna aınaldy. Álemdik teatr óneriniń mańdaıaldy týyndylaryn tamashalaýǵa múmkindik berip otyrǵandaryńyz úshin alǵys aıtamyn. Sizderdiń qajyrly eńbekterińizdiń, sheberlikterińizdiń, talanttaryńyzdyń arqasynda myńdaǵan kórermen shyǵarmashylyq jolyna túsedi», – dedi mádenıet jáne sport basqarmasynyń basshysy Bolat Majaǵulov.