Afrıkada Idaı daýylynan zardap shekkender sany eki mıllıonǵa jýyqtady. 686 adam kóz jumdy.
Esterińizde bolsa, saǵatyna 170 shaqyrym jyldamdyqpen soqqan jel Afrıkanyń úsh memleketinde oıran salǵan edi.
Atap aıtqanda, jaǵalaýdaǵy Mozambık, Zımbabve men Malavı elderi alapat daýyl astynda qaldy. Ásirese Mozambıktiń Beıra portyna kelgen shyǵyn orasan zor. Sıklon kesirinen portty qalanyń 90 prosenti joıyldy. Úıler qırap, elektr jelileri úzilip, aǵashtar tamyrymen julynǵan.
Ondaǵan myń adam qaýipsiz jerge kóshirilip, el aýmaǵynda tótenshe jaǵdaı jarııalandy.