Qazaqstanda 6 túrli krıterıı boıynsha elimizdiń joǵary oqý oryndary men kolledjderiniń táýelsiz reıtıngin kórý úshin onlaın servıs iske qosyldy.
Joǵary synyp oqýshylary, ata-analar, stýdentter oqý oryndarynyń eńbek naryǵynda túlekterdiń qajettiligi, jumysqa ornalasý jáne jalaqy deńgeıi turǵysynan tabystylyǵy týraly aqparatqa tegin qol jetkize alady. Elektrondyq eńbek bırjasynyń saıtynda árbir paıdalanýshy Qazaqstan, belgili bir aımaq, jeke mamandyq nemese naqty baǵyt boıynsha joǵary oqý ornyna nemese kolledjge eń tıimdi tańdaý múmkindigine ıe.
Reıtıng 2018 jyldyń jeltoqsanynda Eńbek jáne halyqty áleýmettik qorǵaý mınıstrliginiń tapsyrysy boıynsha jasaldy. Úzdik jáne nashar oqý oryndaryn tańdaý saýalnamalar negizinde emes, túlekterdiń jumysqa ornalasýynyń naqty nátıjeleri, olardyń jalaqy deńgeıi, jumystyń turaqtylyǵy boıynsha jasaldy. Bul reıtıngti obektıvti jáne táýelsiz etedi. Salystyrǵanda 101 JOO túlekteriniń 200 myńǵa jýyq jáne elimizdiń 766 kolledjderiniń 300 myńnan astam túlegi paıdalanyldy.
Úzdik oqý ornyn tańdaý úshin arnaıy servıs https://www.enbek.kz/ru/ratings/2018 kirý kerek.
«Bul reıtıngte kez kelgen adam jumys berýshilerdiń qandaı mamandyqtarǵa degen suranysyn, qandaı aımaqtardyń joǵary oqý oryndary jaqsy nemese nashar ekenin kóre alady. Saıt arhıtektýrasy ártúrli salystyrý jasaýǵa múmkindik beredi. Mysaly, talapker «Aqparattyq júıeler» mamandyǵy boıynsha joǵary bilim alǵysy keledi. Reıtıng arqyly ol Qazaqstannyń qaı joǵary oqý ornynda túlekterdiń jumysqa ornalasýynyń eń joǵary paıyzyn, qaı óńirde osyndaı mamandar eń joǵary jalaqy alatynyn kóre alady», - dep túsindirdi «MDM» AQ vıse-prezıdenti Tahır Aslıalıev.
Reıtıng talapkerler úshin de, basqa JOO aýysqysy keletin stýdentter úshin de paıdaly bolady. Sondaı-aq, ol jumys berýshilerge laıyqty túlekterdi jumysqa qabyldaý úshin jáne bilim berý jáne eńbek naryǵy salasyndaǵy zertteýler úshin taldaýshylarǵa paıdaly.