Parlament Senatynyń Tóraǵasy Darıǵa Nazarbaeva Halyqaralyq teatr kúnine oraı teatr qyzmetkerlerine quttyqtaý jedelhatyn joldady dep habarlady Senattyń baspasóz qyzmeti.
«Elimizdiń rýhanı kelbetin jańǵyrtýǵa baǵyttalǵan Elbasynyń «Rýhanı jańǵyrý» baǵdarlamasyn iske asyrýda teatr óneriniń alatyn orny erekshe. Sizderge shyǵarmashylyq tabys, shalqar shabyt pen barlyq bastamalaryńyzǵa sáttilik tileımin!» - dep atap ótti Senat Tóraǵasy quttyqtaýynda.
Búgingi tańda Qazaqstanda 68 teatr bar, onyń 51-i memlekettik, 17-i - jekemenshik. «Astana Opera» jáne «Astana Balet» ujymdary - Qazaqstan mádenıetindegi aldyńǵy saptaǵy óner ordalary. «Astana Opera» teatrynyń ártisteri ótken jyly Marıınskıı teatrynda, Oman Respýblıkasyndaǵy Koroldik Maskat opera teatrynda, ıtalııalyq Karlo Felıche teatrynda sátti óner kórsetken bolatyn. «Astana Balettiń» qoıylymdaryn Belgııa, Túrkııa, Reseıde tamashalady.
Qazirgi kezde respýblıkamyzdaǵy memlekettik teatrlarda 7291 adam jumys isteıdi.