Qurlyqtyq hokkeı lıgasynyń (QHL) «Juldyzdar matchy» kelesi jyldyń 18-19 qańtar kúnderi Reseıdiń Sankt-Peterbýrg qalasynda ótedi.
Aıtýly jarystyń tusaýy osydan dál 10 jyl buryn Máskeýde kesilgen edi. Ol kezde reseılik Iаshınniń komandasy sheteldik legıonerlerden jasaqtalaǵan Iаgrdiń komandasymen kúsh synasty. Keıinnen bul básekeler Reseıden bólek, Belarýstiń Mınsk, Latvııanyń Rıga jáne Slovakııanyń Bratıslava qalalarynda uıymdastyryldy.
2018 jylǵy «Juldyzdar matchy» Astanada dúrkirep turyp ótkeni de esimizde. «Barys Arenaǵa» jınalǵan 12 myńǵa jýyq kórermen asa shıelenisti match jáne óte keremet shoýdyń kýási bolǵan edi. Byltyrǵy jylǵy jarys Tatarstannyń Qazan qalasynda uıymdastyrylyp, Chernyshev dıvızony komandasynyń jeńisimen aıaqtaldy.
Ǵalym SÚLEIMEN,
«Egemen Qazaqstan»