Qyzmet tıimdiligin arttyrý – basty mindet

Qyzmet tıimdiligin arttyrý – basty mindet

Sársenbi, 12 jeltoqsan 2012 7:15

Mańǵystaý oblystyq ishki ister departamentiniń bastyǵy, polısııa general-maıory Meıirhan JAMANBAEVPEN áńgime

– Meıirhan Saǵynbekuly, Mańǵystaý oblystyq ishki is­ter departamentiniń tizginin ustaǵanyńyzǵa jaqyn arada jyl tolady eken.  Sol bir jyl qas-qaǵymdaı-aq ýaqyt sııaqty kóringenimen, atqarylǵan ju­mystyń ólshemimen qarasaq biraz ýaqyt. Osy kezeń ishinde ne tyndyrdyńyz, qandaı sharýany aıaqtaı almadyńyz? Aldaǵy ýaqytta atqarylar sharýalar qandaı?

 

Sársenbi, 12 jeltoqsan 2012 7:15

Mańǵystaý oblystyq ishki ister departamentiniń bastyǵy, polısııa general-maıory Meıirhan JAMANBAEVPEN áńgime

– Meıirhan Saǵynbekuly, Mańǵystaý oblystyq ishki is­ter departamentiniń tizginin ustaǵanyńyzǵa jaqyn arada jyl tolady eken.  Sol bir jyl qas-qaǵymdaı-aq ýaqyt sııaqty kóringenimen, atqarylǵan ju­mystyń ólshemimen qarasaq biraz ýaqyt. Osy kezeń ishinde ne tyndyrdyńyz, qandaı sharýany aıaqtaı almadyńyz? Aldaǵy ýaqytta atqarylar sharýalar qandaı?

– Búgingi tańda departamenttiń materıaldyq-tehnıkalyq bazasy qazirgi zamanǵa saı nyǵaıtyldy deýge bolady. Jyl basynan beri oblys ákimi Baýyrjan Muhamedjanovtyń, Ishki ister mınıstrliginiń qol­daýymen 52 arnaıy avtokólik alyndy. Bul avtokólikter IID jol polısııasyna, qala, aýdan ishki ister organdarynyń ýchaskelik polısııa bólimshelerine, patrýldik polısııa qyzmetterine, arna­ıy maqsattaǵy jasaqtarǵa já­ne departamenttiń jedel qyz­metterine berildi.

Sonymen qatar, Aqtaý qala­synda ishki ister organdary qyz­­­­­­met­kerlerine arnalǵan 120 páterlik turǵyn úı  salyndy, ony taıaýda tapsyrý josparlanyp otyr.

Taıaý arada  Jańaózen qalasy Ishki ister basqarmasynyń Jedel basqarý ortalyǵy ǵımaratynyń qurylysyn aıaqtap, ǵımaratty qabyldap iske qosamyz.

Jańaózen qalasynyń já­ne aýdandardyń 2012-2020 jyl­­darǵa arnalǵan áleý­mettik-eko­­nomıkalyq damý baǵ­dar­lamasynyń uzaq merzimdi josparyn  ári qa­­raı iske asy­­­­rý maqsatynda kóp­te­­gen jumystar at­­­­qaryldy. Ja­­­ńaózen qalasynda polısııa qyz­­metkerlerine arnap 100 já­ne 60 páterlik 2 turǵyn úı qurylysynyń jo­balyq-smetalyq qujattaryn jasaqtaýǵa tap­syrys berildi, 2 stasıonarlyq polısııa beketiniń jáne jol polısııasy «ShEP» baqylaý beketiniń jáne 10 ýchaskelik polısııa pýnktiniń qurylystaryn salýǵa túgeldeı jer telimderi alynyp, jo­balyq-smetalyq qujattary ázirlenýde.

IID qyzmetkerleri búgingi tańda 100 pa­ıyzǵa formalyq kı­­­­­im-keshekpen qam­tama­syz etilgen, qajetti qural-jabdyqtar túgelimen alynyp berilgen.

– Prezıdent Jarlyǵyna sáıkes eli­miz­diń quqyq qorǵaý qurylymdarynda attestattaý bolyp ótti. Bul jóninde ártúrli pikir bolǵanyna qaramastan, at­testasııalaýǵa oń baǵa be­ri­lip otyr. О́zińiz basqarǵan qurylymda ótkizilgen attestasııa jumysyna qandaı baǵa berer edińiz?

– Eńbek ótiline jáne atqaryp otyrǵan laýazymdaryna qara­­mastan, ishki ister organ­­da­rynyń barlyq qyzmetkerleri kezekten tys attestattaýdan ótkizildi.

Mańǵystaý oblysynyń ishki ister de­­par­tamenti   boıynsha barlyǵy  1709 qyzmetker attestattaýdan ótkizildi. Onyń ishinde  IID-niń basshy quramynan 4 qyzmetker Joǵary attestattaý komıssııasynan,  Ishki ister mı­nıs­trliginiń  nomenklatýrasyna jatatyn 50 qyzmetker ortalyq attestattaý  komıssııasynan, 1655 qyzmetker aımaqtyq attestattaý komıssııasynan ótti.

Jalpy kezekten tys attestattaýdy ótkizý oblystyń ishki ister organy qyzmetkerleriniń kásibı daıarlyq deńgeıin jáne olardyń qa­zirgi zamanǵy talaptarǵa sáı­kes­tigin naqty anyqtap,  attestattaý kezinde polısııanyń ǵa­­na emes, memlekettiń bedeline nuqsan kel­tiretin moraldyq-óne­gelilik sapalary tómen jáne jemqorlyq pıǵyldaǵy biliksiz qyzmetkerlerden tazartý júr­gi­zilip, atyna saı mindettermen tikeleı aınalysýyna, sybaılas jemqorlyqqa be­ıimdikten arylýyna, bárinen buryn  ishki ister organy qyzmetiniń tıimdiligin arttyrýǵa  qol jetkizýge múmkindik týǵyzdy  dep  aıta alamyz.

– Jaqynda depýtattardyń aldynda shyǵyp sóılegen Ishki ister mınıstri Q. Qasymov ishki ister organdaryndaǵy eń ózekti problema – ýchaskelik ıns­pek­tor­lardyń jetispeýi degen edi. Bul másele siz basqarǵan departamentte qalaı she­shilgen?

– Taıaýda mınıstrlik buı­ryǵymen «Ýchas­kelik polısııa ınspektorlaryn ákimshilik ýchaskege halyqtyń pikirin eskere otyryp taǵaıyndaý erejesi» bekitildi.

Ýchaskelik ınspektorlardyń ózine beki­til­gen aýmaqtarynda jumysynyń durys uıym­das­ty­rylýynyń eń basty kepili, sol aýmaqtyń turǵandarymen tyǵyz qarym-qatynas jasap, olarmen birge quqyq buzýshylyqtyń, qylmystyń aldyn alý, jolyn kesý bolyp tabylady.

Aǵymdaǵy jyldyń basynan be­ri, qala­da­ǵy árbir shaǵyn aýdannyń tur­ǵyn­da­ry­­men kezdestik, olardyń aldynda sol aımaqqa jaýapty ýchaskelik ıns­pektordyń esebin tyńdadyq, jurtshylyqtyń  oı-pi­kirin, usynys, aryzdaryn, sondaı-aq, ýchaskelik ınspektordyń ju­mysyna bergen baǵalaryn tyń­dadyq. Halyq qashanda kórgen, bilgenin aıtady emes pe. Ásirese, bizderdiń qyzmetimizge synshy da , minshi de halyq. Halyq eger de eńbegimizge oń baǵa berse onda, jasap júrgenimiz adal eńbek, al, eger de halyq teris baǵa berse she?… Minekı osylaısha, esep berý barysynda halyqtyń tarapynan ýchaskelik ınspektorlardyń jumysyna kóńilderi tolyp, oń baǵa bergenderi de, onshalyqty kóńilderi tolmaıtyndary da baryn bildirdi. Nátıjesinde jumysyn kelistire almaǵan ýchaskelik polısııa ınspektorlary tıisti jazasyn alsa, halyqtyń kóńilinen shyqqan ınspektor jurtshylyq aldynda da, jeke quram aldynda da marapatqa ıe boldy.

Árıne, búgingi tańda ýchaskelik polısııa ınspektorlaryna júktelip otyrǵan mindetter óte kóp. Olar, qylmystyq jazasyn ótep shyqqan tulǵalarmen, nashaqumarlar jáne maskúnemdermen de, nemese otbasy jaǵdaıymen ár sanattaǵy esepte turatyn tulǵalarmen de jumys jasaıdy. Olar boıynsha tolyq málimetter jınaıdy, ony zerdeleıdi, jaza óteý oryndarynan oralǵan tulǵalardyń qaıta qylmys jasaýynyń aldyn alý sharalaryn júrgizedi, sonymen qatar, aýmaqtarynda jasalǵan qylmystyń izin sýytpaı ashý jaıynda shuǵyl-izdestirý sharalaryn júrgizedi.

– Mańǵystaý oblysy bes shet memleketpen, atap aıtar bolsaq, Reseı, Iran, О́zbekstan, Túrkimenstan jáne Ázerbaıjan elderimen shekaralasady eken. Bul óz kezeginde oblystaǵy mı­­grasııa máselesin kúrdelendirmeı qoımaıtyny ras. Osyǵan oraı, kóshi-qon polısııasynyń qyzmeti týraly ne aıtar edińiz? Qandaı problemalar bar?

– Mańǵystaý oblysy shet memlekettermen kórshiles bolǵandyqtan, shetel azamattarynyń qonys aýdarýyna geografııalyq ornalasýy jaǵynan yńǵaıly.

Osyǵaı oraı jáne aımaqtyń damýy úshin turaqty áleýmettik-ekonomıkalyq jaǵdaı men shet­­eldik ınvestısııalar sanynyń artýyna baılanysty Mańǵystaý oblysynyń aýmaǵynda Qazaqstan Respýblıkasynyń azamattarynyń ishinen mamandardy daıyndaý jónindegi keńestik qyzmetter kórsetý men eńbek naryǵyn úırený úshin, sonymen qatar, qurylys pen jergilikti halyqtyń bos ýaqyty salasynda qyzmet kórsetý boıynsha mezgildik jumystarǵa osy aımaqqa jaqyn jáne alys shetel memleketterinen keletin shetel azamattary men mamandar aǵysynyń jyldan jylǵa artýy baıqalyp otyr.

Eger 2011 jyldyń on aıynda 67250 shet­eldik azamat kelgen bolsa, onda bul kórsetkish 2012  jyly 70304-ti qurady.

Júrgizilgen taldaý, tártip bu­­­­­zýshylardyń basym bóligi О́z­bekstan (Qaraqalpaqstan) Res­pýblıkasynyń azamattary ekendigin kórsetti.

Buryn aıtylǵandaı oblys aýma­ǵyna ke­­lýshilerdiń sany jyl­dan jylǵa artyp otyr. Ke­lýshilerdiń jalpy sanynyń 90 paıyzynan astamy tabys tabý úshin kelýshi bolyp tabylady.

Quqyq qorǵaý organdary zańsyz kóshi-qonmen kúresý jóninen zańda kórsetilgen barlyq sharalardy qoldanýda.

Qazirgi tańda, barlyq qala jáne aýdandyq IIB kóshi-qon po­­­­­lısııasy bólinisteri qu­jat­­­­­­tandyrý jáne tirkeý máseleleri boıyn­sha halyqty qabyldaý jumystaryn Halyqqa qyzmet kórsetý ortalyqtary (HQO) ǵımarattarynda júrgizip keledi.

– Meıirhan Saǵynbekuly, ózińiz bas­­qaryp otyrǵan departamentte memlekettik til máselesi qalaı sheshilgen?

– Elbasynyń ózi bıylǵy jylǵy Qazaqstan halqyna Jol­­daýynda aıtqanyndaı «Qazaq tili, bizdiń memlekettik tilimiz ósip-órkendep keledi. 2020 jylǵa qaraı memlekettik tildi meńgergenderdiń qatary 95 paıyzǵa deıin jetetin bolady. Elimizdiń barlyq mektepteri men oqý oryndarynda qazaq tilin oqytý úrdisi júrip jatyr…».

Departamentten shyǵatyn shy­ǵys qujat­­­ta­rynyń barlyǵy tek qana memlekettik tilde oryndalady. Qajet bolǵan jaǵdaıda ǵana nemese aryz, ótinish berýshiniń qalaýy boıynsha ózge tilde oryndalýyna jol be­riledi. Qylmystyq nemese ákimshilik ister­diń barlyǵy memlekettik tilde qozǵalyp baryp, sodan soń jábirlenýshiniń nemese aryzdanýshynyń qalaǵan tilinde jal­ǵastyrylady. Is qaǵazdarynyń memlekettik tilde oryndalýy qatań baqylaýda ustalady. Sondaı-aq, departamenttiń jedel, apparattyq jınalystary, semınar-keńester memlekettik tilde júrgiziledi. Departamentte osy min­det­­ter­ge jaýapty memlekettik til jáne aqparat bólimi bar.

Áńgimelesken Sharafaddın ÁMIROV,

«Egemen Qazaqstan».