2020-2025 jyldar aralyǵynda MAGATE uıymy men Kýrchatovtaǵy Ulttyq Iаdrolyq Ortalyq mamandary tyǵyz baılanystaǵy áriptestik qarym-qatynas ornatpaq. Bul baılanys «О́ńirde qorshaǵan ortany qorǵaýdyń radıasııalyq monıtorınginiń áleýetin arttyrýdyń tehnıkalyq jobasy» dep atalady.
Jobaǵa daıyndyq júrgizý týraly másele Avstrııanyń Vena qalasynda ótken halyqaralyq semınarda talqylandy. Jıynǵa Kýrchatov qalasyndaǵy Ulttyq Iаdrolyq Ortalyq mamandary men ǵalymdary da qatysty. Semınarǵa 20 shaqty elderden, atap aıtqanda: Armenııa, Azerbaıdjan, Respýblıka Belarýs, Bolgarııa, Kıpr, Estonııa, Gresııa, Grýzııa, Qazaqstan, Lıtva, Latvııa, Reseı, Polsha, Slovenııadan de ǵalymdar keldi.
Kezdesýdiń basym baǵyty tehnıkalyq jobany iske asyrýǵa arnalǵan jol kartasyn ázirleý. Jobanyń ótinimi talqylanyp, onyń jumys josparyn ázirleý júzege asyryldy. Sondaı-aq jobaǵa qatysýshy elderde radıasııalyq monıtorıngileýdiń keshendi baǵdarlamasyn qurý boıynsha MAGATE sarapshylary keńesterin berdi. Belgilengen merzimge saı bıyl Qazaqstanda júzege asýy tıis joba MAGATE basshylyǵyna usynylatyn bolmaq. Aty aıtyp tuǵandaı bul jobada qorshaǵan ortany qorǵaý, radıasııa deńgeıin meılinshe naqty anyqtaý jáne tabıǵatty, jerdi saýyqtyrý máseleleri qarastyrylmaq.
MAGATE mamandary jaqynda Almatyda semınar ótkizgen edi. Oǵan QR UIаO mamandary da qatysty. Semınarda Qazaqstan respýblıkasynyń memlekettik eń iri «Radon» baǵdarlamasyn júzege asyrý máselesi talqylandy. «Radon» baǵdarlamasyn 20-2025 jyldary júzege asyrý kózdelgen.
Raýshan NUǴMANBEK,
«Egemen Qazaqstan»