Ál-Farabı atyndaǵy QazUÝ rektory, akademık Ǵalym Mutanov bastaǵan ýnıversıtet delegasııasy M.I.Lomonosov atyndaǵy MMÝ-de (Máskeý q., RF) ótken «Ýnıversıtetter, qoǵam jáne adamzat bolashaǵy» halyqaralyq forýmyna qatysty. Jetekshi joǵary oqý orny basshysynyń «Jańa urpaq ýnıversıteti: 4.0 traektorııasy» taqyrybyndaǵy baıandamasy forýmǵa qatysýshylar arasynda úlken qyzyǵýshylyq týdyrdy.
Forým jumysyna myńdaǵan jetekshi reseılik jáne sheteldik joǵary oqý oryndarynyń rektorlary, halyqaralyq uıymdardyń ókilderi, Japonııa, Fransııa, Germanııa, Ulybrıtanııa, Ispanııa, Italııa, Grekııa, Qytaı, Qazaqstan, Iran, Mysyr jáne basqa da elderdiń tanymal memleket qaıratkerleri men sarapshylar qatysty.
Olar jahandaný dáýiri men qazirgi zamannyń syn-tegeýrinderi jaǵdaıynda joǵary mektepterdi damytýdyń jáne ǵalamdyq ǵylymı-bilim berý, tehnologııalyq jáne gýmanıtarlyq keńistikti úılestirýde joǵary oqý oryndarynyń rólin arttyrýdyń mańyzdy máselelerin talqylady.
Forýmnyń plenarlyq otyrystary adamzattyń ǵylymı-bilim berý jáne mádenı damýyndaǵy ýnıversıtetterdiń tarıhı rólin talqylaýǵa, sondaı-aq qazirgi zamannyń jahandyq máselelerin eńserýge arnaldy.
Is-sharany asha otyryp, M.V.Lomonosov atyndaǵy MMÝ rektory, Eýrazııalyq ýnıversıtetter assosıasııasynyń prezıdenti, akademık Vıktor Sadovnıchıı ýnıversıtetterdiń qoǵamdaǵy mańyzdy mıssııasyn atap ótti. «Gýmanıtarlyq bilim berýdi barynsha damytý kerek, ol tarıh, mádenıet, ana tili jáne ónerge nazar aýdara otyryp, jahandaný jaǵdaıynda sózsiz paıda bolatyn moraldyq jáne rýhanı aýytqýlardy teńgere alady», – dedi akademık.
Qazaqstannyń jetekshi joǵary oqý orny – Ál-Farabı atyndaǵy QazUÝ rektory, Ǵalym Mutanovtyń jańa býyndaǵy ýnıversıtet úlgisin qalyptastyrý tájirıbesi týraly baıandamasy qatysýshylardyń qyzyǵýshylyǵyn týdyrdy. «Tórtinshi býyn ýnıversıtetiniń modeli halyqaralyq tájirıbe negizinde jasalǵan jáne joǵary tehnologııalyq ári rýhanı-adamgershilik platformalardyń sımbıozyna negizdelgen. Ol jas urpaqtyń álemniń azamattary retinde izgilikti jáne turaqty qoǵam qurýda áleýmettik jaýapkershiligin qalyptastyrýǵa baǵyttalǵan», – dedi rektor. Bul model QazUÝ-de «Ál-Farabı – Smart City» jobasy arqyly is júzinde kórinis taýyp jatqanyn alǵa tartty. Forýmnyń qatysýshylary usynylǵan úlgige qoldaý kórsetip, onyń ózektiligi men suranysqa ıe ekendigin atap ótti.
Forým aıasynda Eýrazııalyq ýnıversıtetter assosıasııasynyń quryltaıy ótkizilip, onda ǵylym jáne bilim salasyndaǵy yntymaqtastyq týraly memorandýmdarǵa qol qoıyldy.
Arman OKTIаBR,
«Egemen Qazaqstan»
ALMATY