Almatyda qalany kógaldandyrý jumystary qarqyn ala bastady. Jasyl ekonomıka basqarmasyndaǵylardyń málimetinshe, shahardaǵy Ál-Farabı dańǵylynyń bólý jolaǵynyń boıyna Jeltoqsan kóshesinen Hodjanov kóshesine deıin japyraqty jáne qylqanjapyraqty 700-den astam aǵash otyrǵyzý josparlanǵan.
Jergilikti baqtarǵa terek, shyrsha, emen otyrǵyzý isi de qolǵa alynǵan. Mamandar 5,5 myń sharshy metr aýmaqqa gúlder men shybyqtar egiletinin aıtady. Gúl ósindilerin daıyndaý 5-sáýirge deıin sozylmaq.
Kógaldandyrý naýqany barysynda kólik jáne jaıaý júrginshiler qozǵalysynyń qaýipsizdigin qamtamasyz etý úshin Polısııa departamentine jol-patrýl toptarynyń sanyn ulǵaıtý tapsyrylǵan.
«Qorshaýsyz qala» qaǵıdasy boıynsha shahardaǵy eski qorshaýlardy alyp tastaý jumystary aldaǵy kúnderi aıaqtalady.
Arman OKTIаBR,
«Egemen Qazaqstan»
ALMATY