Básekeler bes qashyqtyqtan turady. Sportshylar ózderiniń qalaýy boıynsha qashyqtyqty tańdaı alady. Barlyǵy 74 atalym boıynsha júldeler taratylady. Aıtýly jarys Sultan Beıbarys atyndaǵy alańda bastalyp, sol jerde aıaqtalady.
– Jastar saıasatyn damytý – memleketimiz ben qoǵamymyzdyń búgingi tańdaǵy basym baǵyttarynyń biri. Jastar – elimizdiń bolashaǵy. Erteńgi kúni qandaı elde jáne jáne qandaı qoǵamdy ómir súretinimizdi dál sol jastar aıqyndaıdy. Al qandaı da salada joǵary nátıjege qol jetkizý úshin salýatty ómir saltyn ustanyp, sportpen shuǵyldaný qajet. Sol sebepti de biz oblys pen qala jastaryn 14 sáýirde ótetin marafonǵa qatysýǵa shaqyramyz, – deıdi Atyraý oblysy ákimdiginiń jastar saıasaty máseleleri basqarmasynyń basshysy Rollan Quspan.
Uıymdastyrýshylardyń aıtýynsha, eń uzaq úsh qashyqtyq boıynsha ótetin jarysqa qatysý úshin jarna tóleý qajet. Sodan túsken qarajat qaıyrymdylyq sharalaryna jumsalatyn bolady. Al 1,2 jáne 3 shaqyrymdyq saıysqa qatysý tegin.