Dástúrli pikir-saıys týrnıri Amerıka parlamentti formatynda jyl saıyn jalǵasyp keledi. Bıylǵy týrnırge elimizdiń barlyq óńirlerinen 20 top qatysty. Ár topta 50 qatysýshydan boldy. Sóz saıysynda jalpy, orys lıgasynda 6 top, qazaq lıgasynda 14 top oıyn kórsetti. Tóreshiler quramy ýnıversıtettiń pikir saıys klýbynyń tarapynan quraldy.
Saıys sońynda úzdikter anyqtaldy. Qazaq lıgasynda júldeli birinshi oryndy Shymkent qalasynyń quramasy alsa, orys lıgasynda aqmolalyq jastar júırik atandy. Ekinshi oryndar qos lıgada da-Almaty qalasynyń quramalarynyń enshisine tıse, úshinshi orynda eki lıgada da Jambyl oblysynyń qatysýshylary ıe boldy.
- Týrnırdiń basty maqsaty – elimizdegi sheshendik óner salasyndaǵy jas qoǵamdyq saıasatkerlerdi, pikirtalas júrgize alatyn ózindik kózqarasy qalyptasqan, óz tobynyń qyzyǵýshylyǵyn saýatty argýmenttermen qorǵaı alatyn jastardy izdestirý jáne olardy qoldaý. Qazaqstandaǵy pikir-saıys qozǵalysy belsendilerine yqpaldasý, jastar boıynda tózimdilik pen azamattyq kóz qarastardy qalyptastyrý. «Nur Otan» partııasynyń aýyspaly kýbogine arnalǵan pikir-saıys týrnırine óńirlik irikteý týrnıriniń jeńimpazdary qatysty, - deıdi oblystyq «Jas Otan» jastar qanatynyń tóraǵasy Erkebulan Aqbolatov.