Forýmda ýnıversıtet rektory Qýat Baımyrzaev bilim ordasynda stýdentterdi iskerlik ortaǵa tartý jáne olardyń bıznes-jobalaryn qoldaý boıynsha naqty jumys jolǵa qoıylǵanyn aıtty.
- Tabysty bolý úshin jańa mamandyqtarǵa oqyp, jeke mashyqtardy jetildirý qajet. Bul baǵytta bizdi «Atameken» Ulttyq kásipkerler palatasy, «Damý» qory qoldap otyr, startap akademııa ashyldy. Stýdentterdi iskerlik ıdeıalary nemese jobalarymen bizge kelýge shaqyramyn, biz óz kezegimizde qoldaý jasaýǵa daıynbyz, – dedi rektor.
Al forým spıkeri, Almaty oblysy Kásipkerler palatasynyń dırektory Narıman Ábilshaıyqov óziniń motıvasııalyq tanystyrylymynda qoǵamdyq sanany ózgertken nemese ózgertip jatqan keshegi, búgingi jáne keleshektegi trendter jaıynda keńinen toqtaldy.
- Jańa trendterdi quryp, adamdardyń sanasyna áser etip jatqan adamdardy mysal etkim keledi. Bıznesti sátti basqaryp, óńirlerdiń áleýmettik máselelerin belsendi sheship júrgen Baýyrjan Ospanov, Jaqsylyq Úshkempirov syndy mesenattarǵa qarańyzdarshy. Al kásibı kemeldiktiń arqasynda ánshi Dımash Qudaıbergen, aktrısa Samal Eslıamova, klıpmeıker Aısultan Seıitov jáne basqalar álem sahnasyn baǵyndyrýda, – dedi ol óz sózinde.
Forýmda Almaty oblysy Ishki saıasat basqarmasynyń jetekshisi Rýstam Alpysbaev Elbasynyń «Rýhanı jańǵyrý» baǵdarlamalyq maqalasyn júzege asyrý sheńberinde iske asqan jáne josparlanǵan jobalar týraly áńgimelese, «Tamas» JShS dırektory Asqar Pýsýrmanov stýdenttermen bıznes júrgizý boıynsha jeke tájirıbesimen bólisti. Sondaı-aq, forým aıasynda «Mármár Qazaqstan» JShS dırektory Oljas Zákiruly, Ǵylymı zertteýler nátıjelerin kommersııalaý keńsesiniń dırektory Damır Dıgaı, PhD doktory, memlekettik basqarý jáne menedjment kafedrasynyń dosenty Elmıra Qydyrbaeva jáne I.Jansúgirov atyndaǵy Jetisý memlekettik ýnıversıtetitiń stýdenti Aıaýlym Qanalbekova baıandama jasady.