Mınıstrdiń aıtýynsha, búgingi kúni 1 dárigerdiń júktemesi 1 989 tirkelgen adamdy quraıdy eken. Al jalpy praktıka dárigeri júktemesiniń eń joǵary kórsetkishi Qostanaı, Batys Qazaqstan jáne Qaraǵandy oblystarynda baıqalady.
«Osylaısha, júktemeniń josparlanǵan deńgeıine jetý úshin alǵashqy medısınalyq kómek uıymdaryna qosymsha 1 157 dáriger qajet.
Elimizdiń óńirlerinde, ásirese aýyldyq eldi mekenderge kelgen jas mamandarǵa áleýmettik qoldaý kórsetýdiń jáne turǵyn úımen qamtamasyz etýdiń mańyzy zor» dedi E.Birtanov.
Kóterme járdemaqy usyný boıynsha Almaty, Qostanaı jáne Jambyl oblystary jetkiliksiz jumys júrgizýde.
2019 jyly elimizdiń medısınalyq joǵary oqý oryndarynda 5 000-nan astam túleginiń 1 515-i jalpy praktıka dárigeri mamany bolmaq. «Bul alǵashqy medısınalyq kómek kadrlarynyń tapshylyǵyn túgeldeı qamtýǵa jetkilikti. Jergilikti atqarýshy organdar jas mamandardy tartý maqsatynda barlyq áleýmettik qoldaý sharalaryn jasaýy qajet» deıdi Mınıstr.
Áleýmettik qoldaý sharalary aýyldy mekendermen qatar, shaǵyn qalalarda kórsetý múmkindigi zańnamamen bekitilý qajet. Bul sol jerdegi kadr tapshylyǵyn joıýǵa múmkindik beredi.
«Sondaı-aq, jas mamandarǵa óz oqýyn jeke menshik medısınalyq uıymdarda jumyspen óteýge múmkindik berý qajet. Bul alǵashqy medısınalyq kómekti memlekettik-jekemenshik áriptestik mehanızmi arqyly damytýǵa múmkindik beredi» dedi E.Birtanov óz sózinde.