Juma, 27 qańtar 2012 7:16
Meniń eńbek jáne ómir jolym Jańaózen qalasymen tyǵyz baılanysty. Sondyqtan bolar, osy qalanyń ósip-órkendeýiniń bári de kóz aldymda. Aıtary joq, halqy kóbeıip, sándi qurylystar sap túzep keledi. Átteń, ótken jylǵy jeltoqsandaǵy oqıǵa kóńilimizge qaıaý túsirdi. Qıyn jaǵdaılar qalyptasty. Osyndaı sátte táýelsiz Qazaqstannyń tuńǵysh Prezıdenti Nursultan Nazarbaevtyń qalamyzǵa kelip, mán-jaıdy kózimen kórýi, qarapaıym adamdarmen áńgimelesýi úlken qoldaý men erekshe kómek boldy. Elbasy tapsyrmasyna oraı qaladaǵy búlingen nysandar da qalpyna keltirilýde, turǵyndardy azyq-túlikpen, otyn-sýmen, jylýmen qamtýda kemshilikter kezdesken joq.
Juma, 27 qańtar 2012 7:16
Meniń eńbek jáne ómir jolym Jańaózen qalasymen tyǵyz baılanysty. Sondyqtan bolar, osy qalanyń ósip-órkendeýiniń bári de kóz aldymda. Aıtary joq, halqy kóbeıip, sándi qurylystar sap túzep keledi. Átteń, ótken jylǵy jeltoqsandaǵy oqıǵa kóńilimizge qaıaý túsirdi. Qıyn jaǵdaılar qalyptasty. Osyndaı sátte táýelsiz Qazaqstannyń tuńǵysh Prezıdenti Nursultan Nazarbaevtyń qalamyzǵa kelip, mán-jaıdy kózimen kórýi, qarapaıym adamdarmen áńgimelesýi úlken qoldaý men erekshe kómek boldy. Elbasy tapsyrmasyna oraı qaladaǵy búlingen nysandar da qalpyna keltirilýde, turǵyndardy azyq-túlikpen, otyn-sýmen, jylýmen qamtýda kemshilikter kezdesken joq. Jaǵdaıdy zerdeleý úshin Úkimettik komıssııa, IIM jedel tergeý toby tynymsyz jumys istedi. Sondaı-aq Elbasy tapsyrmasyna oraı qoǵamdyq komıssııa quryldy. Men onyń Jańaózendegi qabyldaý ortalyǵyn basqardym. Aımaqqa belgili, abyroıly azamattarymyz da el tynyshtyǵy, azamattardyń amanshylyǵy úshin birlese jumys jasadyq. Qabyldaýǵa kelgenderdiń talap-tilegi aıaqsyz qalmady. Soǵan oraı tıisti sheshimder qabyldadyq. Al keshe respýblıkamyzdyń bas prokýrorynyń málimdemesin tyńdadyq. Biraz adamdardyń ústinen qylmystyq is qozǵalypty. Tekserý áli de júrip jatyr. Barshamyzdyń da tilegimiz, halyqqa keregi ádil sheshim. О́ıtkeni ómir tolqyny jalǵasyp jatyr. Elbasy tapsyrmasyna oraı jańa kásiporyndar ashyldy. Qalany órkendetýdiń jospary qabyldanýda. Iаǵnı, Jańaózen halqynyń aldaǵy kúnderi nurly, shýaqty, tynysh bolady – degen sóz. Ata Zańymyzdyń talabynyń ózi tynyshtyq, azamattar quqyǵyn qorǵaýdy qamtamasyz etý. Sondyqtan da Zań oryndarynyń sheshimderin qala turǵyndary túsinistikpen qabyldap baısaldylyq pen parasattylyq tanyta biledi. Sondaı-aq bul qıyn da, kúrdeli istiń biraz adamǵa ashy sabaq ekendigin de esten shyǵarmaǵandyǵymyz jón. Eń negizgisi jan-jaqty, tereń zerttelýdegi oqıǵaǵa ádil baǵa beriledi. Kinási barlar ǵana óz jazasyn alyp, jazyǵy joq adamdar japa shekpeıdi dep oılaımyz. Jáne de solaı bolyp ta jatyr. Kúni búgin jazyqsyz dep tabylǵan azamat ýaqytsha qamaýdan bosatyldy.
Asylbek AIDAROV, Jańaózen qalalyq ardagerler keńesiniń tóraǵasy, oblystyq qoǵamdyq komıssııanyń qaladaǵy qabyldaý ortalyǵynyń tóraǵasy.Jańaózen.