2018-shi jyldyń qarasha aıynda osy jerde ornalasqan 6 úıdi aınala bıiktigi eki metrlik temir dýal qoıylǵan. Bir qyzyǵy, qorshaýdy ornatpas buryn jergilikti bılik ókilderi baspana ıelerimen birneshe márte kezdesip, kelisimderin alǵan kórinedi.
«Temir dýal ornatylǵaly kúnniń kózin kórýden qaldyq. Onyń ústine mańaıǵa qańǵybastar qaptap ketti. Ishimdik iship, aýlany qoqysqa toltyrdy. Sheneýnikter qurylys unamasa alyp tastaımyz degen ýádelerinen aınyp otyr. Qalalyq ákimdikke shaǵymdanyp edik, qorshaýdy alyp tastaı almaımyz degen jaýap keldi», deıdi turǵyndardyń biri Mıhaıl Koshelev.
Osy másele boıynsha aryzdanǵan Sapar Súleımenovke de osyndaı shyǵarypsalma jaýap berilipti. Hatta shahardyń sándigi úshin qoıylǵan qorshaý alynbaıdy dep taıǵa tańba basqandaı jazylypty. Turǵyndardyń aıtýlarynsha, maskúnemder tańerteńgi saǵat 8-de ashylatyn dárihanadan tehnıkalyq spırt alyp, kesh batqansha osy jerde «meıramdap», tynyshtyq bermeıtin kórinedi. Eń qıyny, kolonka synyp qalyp, «Qyzljar sý kásipornynyń mamandary aýlaǵa kire almaǵan jaıttar birneshe ret kezdesipti.
Turǵyn úı, kommýnaldyq sharýashylyq bóliminiń qyzmetkerleri qorshaý qalany abattandyrý negizinde qoıylǵanyn alǵa tartady. Turǵyndar memleket múlkin óz kúshterimen alyp tastasa, zań aldynda jaýap beredi. Turǵylyqty meken-jaıy joq adamdar máselesimen tártip saqshylary aınalysatynyn, qoqys bir-eki kúnde tazartylatynyn aıtady.
Qalalyq máslıhattyń depýtaty Pavel Afanasevtyń ustanymy múldem basqasha.
«Turǵyndar Azamattyń kodekstiń 9-baby boıynsha óz quqyqtaryn qorǵaı alady. Iаǵnı, azamattar eshkimniń ruqsatynsyz qorshaýdy buzýǵa quqyly. Ol úshin aldymen qańyltyr men temir baǵanalardy kesip alyp, úı aýlasyna jınap qoıý kerek. Sosyn ol týraly qalalyq ákimdik ókilderine habarlaǵan jón. Bul úshin eshqandaı aıyppul salynbaıdy. О́ıtkeni, zań boıynsha baspana ıeleri ǵana ózderiniń aýmaqtaryn qorshaýǵa tıis. Ákimdik ol nysandardyń mańyna dýal qoıa almaıdy. Úı mańyna ornatylatyn qorshaý túrli-tústi, aralary ashyq jáne bıik bolmaýy, qyzmettik kólikterdiń kirip-shyǵýyna kedergi keltirmeýi kerek. Bul talaptar saqtalmaǵan», deıdi bilikti zańger.
Soltústik Qazaqstan oblysy