Alǵashqy senbilik sáýirdiń 6-sy kúni ótedi. Bul bir kúndik shara emes, aldaǵy ýaqytta da jıi jalǵasatyndyqtan, senbilikke qala turǵyndarynyń barlyǵy, memlekettik mekemeler, kásiporyndar, dúken ıeleri, meıramhana, shaǵyn jáne orta bıznes ókilderi túgeldeı qosylýlary kerek. Qala ákimi Ermak Sálimov, alty aı qystan beri jınalǵan qoqysty kóktemde shyǵaryp, qalany tazalaýdy jolǵa qoıý qajet degendi alǵa tartty.
Qalalyq TÚKSh bóliminiń bastyǵy Amantaı О́telbaevtyń atıýynsha, eki aı boıy ári senbi saıyn ótetin tazalyq sharasyna barlyq kommýnaldy mekemeler daıyn. Árbir turǵyn belgili bir jerdi ǵana emes, aýlasynyń mańyn da tazalyq qalpyna keltirýi kerek. Al jınalǵan qoqystardy «Bıg begı» dep atalatyn arnaıy úlken qaptarǵa salý kerek. Senbilik barysynda tek qoqys jınap qana qoımaı, ári ketken ǵımarattardy boıap, syrlap, gazondarǵa gúlder ornatylýy kerek. Amantaı О́telbaevtyń pikirinshe, qalada 30 myń aǵash ornatylatyn bolmaq. Kóshetter jaqyn arada О́skemennen jetkizilmekshi. Semeıdiń kóshelerinde jáne saıabaǵyna terek, sheten, kókterekter egiledi.
Qala ákiminiń tapsyrmasymen qaladaǵy ashyq jatqan jylý men sý qubyrlarynyń lıýkterin anyqtaý jumystary bastalypty. Bul másele úshin qarjy bólingen. Arnaıy kásiporyndar ashyq jatqan qubyr qudyqtarynyń betin metall, plastık, beton qaqpaqtarmen jabatyn bolmaq. Sondaı-aq, alǵashqy senbilik ótisimen, tazalyqtyń shyn máninde júrgen, júrmegenin tekserý úshin ýchaskelik ınspektorlar tekserýge shyǵatyn bolmaq. Eger kásipkerler ózderiniń aınalalaryn tazalamasa, onda zań júzinde aıyppul salynatyn bolady.
Raýshan NUǴMANBEKOVA
«Egemen Qazaqstan»
Semeı