Eýropa Qaıta qurý jáne damý bankiniń (EQDB) Qazaqstan boıynsha dırektory Maıkl Vaınstın Jambyl oblysyna keldi. Onymen birge banktiń Astana ókildiginiń basshysy jáne EQDB ónerkásip sektorynyń adıýnkt bankıri boldy.
Sapar barysynda bank pen ákimdik arasyndaǵy keleshektegi iskerlik múmkindikter qaraldy. Atap aıtqanda, agroónerkásip pen energetıka, jańa qýat kózderi men onyń tıimdiligin arttyrý boıynsha jobalar qarastyryldy. Sondaı-aq, kommýnaldyq sharýashylyq, óndirý salasynda ınfraqurylymdardy damytý, jeńil jáne aýyr máshıne jasaý, qaıta óńdeý, jeńil jáne tamaq ónerkásibi, qurylys pen týrıstik saladaǵy jobalar da nazarǵa alyndy.
Dırektor atalǵan salalar boıynsha ınvestısııalyq jobalarǵa banktiń qatysý baǵyttary jóninde aqparat berip, oblys ákimdigi usynǵan jobalardy qarjylandyrý múmkindikterin qarastyrýǵa daıyn ekendigin jetkizdi. Kezdesý qorytyndysy boıynsha oblys ákimi Qanat Bozymbaev pen EQDB-nyń Qazaqstan boıynsha dırektory Maıkl Vaınstın sapar hattamasyna qol qoıdy.
Jambyl oblysy.
Kósemáli SÁTTIBAIULY.