«Arda-Aqtaý» qoǵamdyq birlestiginiń muryndyq bolýymen ótken sharaǵa júzden astam otbasy qatysty. Bul aksııa sońǵy úsh jylda oblys kóleminde ótip keledi. Aksııa barysynda dertke shaldyqqan balalardyń ata-anasyna qarjylaı qoldaý kórsetiledi. Búgin de osy úrdis jalǵasyn taýyp, erekshe balalar óner kórsetti.
Búkil álemde aýtızm syrqatyna shaldyqqan 67 000 000 asa adam tursa, álemdegi ár 42-shi er bala men 189-shy qyz bala aýtızmniń spektrinde tur. Al resmı emes derekterge súıensek Mańǵystaý oblysynda bir myńnan astam bala túrli deńgeıdegi aýtızm dertine shaldyqqan.
-Búgingi shara qoǵamdyq birlestik pen ata-analar men balalardyń birigip jasaǵan jumysynyń nátıjesi bolyp tabylady. «Aýtızm» dıagnozy bar adamdardyń taǵdyry bizge beı-jaı emes! Damý erekshelikteri, ıa bolmasa basqa faktorlarǵa qaramastan, biz úshin barlyǵy mańyzdy. Qoǵamdyq birlestik bıyl mine úshinshi jyl óziniń jumysyn jalǵastyryp keledi. Mańǵystaý oblysy boıynsha mundaı bala tárbıelep otyrǵandar óte kóp. Búgin solardyń tek qana júzden astamy jınaldy. Keleshekte osyndaı balalardy ońaltýǵa arnalǵan bir ortalyq ashylady dep kútip otyrmyz, deıdi uıymdastyrýshylar.
Sharany uıymdastyrýshylar kópshilikti aýtızm dertine shaldyqqan jandardan teris aınalmaı, olardy qoǵamǵa beıimdeýdiń mańyzdylyǵyn túsindirdi. Ata-analarmen pikir almasyp, perzentimen birge oıyndar oınaýǵa shaqyrdy. Erikti jastar ázirlegen kóńildi baǵdarlama balalardyń kóńilin kóterdi. Dástúrli aksııa sońy fleshmobqa ulasty.
Mańǵystaý oblysy