Bıyl úshinshi ret ótkeli otyrǵan dástúrli marafon keń kólemde bolady jáne úsh myńǵa jýyq qatysýshy baq synaıdy dep kútilýde. Búginge deıin Qazaqstannyń iri qalalary – Nur-Sultan, Almaty, О́skemen, Oral, Aqtóbe, Kókshetaýdan jelaıaqtar buqaralyq júgirýge qatysýǵa ótinim berdi. Úshinshi qaıyrymdylyq júgirý sharasyndaǵy bes qashyqtyqtyń birine qatysýǵa shetel azamattary-munaı kompanııalarynyń mamandary da nıet bildirgen.
-Qatysýshylardyń tańdaýyna bes qashyqtyq 42 km, 21 km, 10 km, 3 km, 1, 2 km (balalarǵa arnalǵan) usynylady. Jeńimpazdar jastaryna qaraı 76 sanat boıynsha marapattalady. Jalpy júlde qory 5 mln teńge, -deıdi «Atyrau Marathon -2019» uıymdastyrý komıtetiniń vıse-prezıdenti Iýrıı Ponomarev.
Uıymdastyrýshylardyń aıtýlarynsha, eń alys úsh qashyqtyqqa qatysý úshin aqshalaı tólem jasaý kerek, túsken barlyq qarajat qaıyrymdylyq maqsatqa – jetim jáne áleýmettik jaǵynan az qamtylǵan otbasy balalaryna jumsalady.
3 jáne 1,2 km qashyqtyqqa júgirýge qatysý tegin. Marafonnyń barlyq qatysýshylaryna estelik medal beriledi, al júldegerlerdi demeýshiler daıyndaǵan arnaıy syılyqtar kútip tur.
«Atyrau Marathon – 2019» QR Tuńǵysh Prezıdenti jarııalaǵan Jastar jyly aıasynda ótedi. Ár túrli qashyqtyqtaǵy júgirýge qala men oblystaǵy jastar ókilderi qatysady.
-Jastar saıasatyn damytý – qoǵamdaǵy basty baǵyttyń biri. El bolashaǵy jastardyń qolynda. Qaı salada bolsa da joǵary nátıje kórsetip, salamatty ómir saltyn qoldap, sportpen shuǵyldaný kerek. Sondyqtan, biz óńir jastaryn marafonǵa belsendilikpen qatysýǵa shaqyramyz, - deıdi oblystyq dene shynyqtyrý jáne sport basqarmasynyń basshysy Rınat Ibragımov.
Marafonǵa qatysý úshin www.atyraumarathon.kz saıtynda jáne Qurmanǵazy-12 mekenjaıynda ornalasqan INFINITY FITNESS klýbynda tirkelýge bolady.
Aıta ketý kerek, marafonnyń barlyq qatysýshylary úshin apta saıyn jattyǵý ótedi. Seısenbi, beısenbi kúnderi saǵat 19.30 – da Sultan Beıbarys eskertkishi aldynda, jeksenbi 8.00 H. Dosmuhamedov atyndaǵy AMÝ stadıonynda.
«Atyrau Marathon -2019» qaıyrymdylyq marafony 14 sáýirde bolady.