О́risten aıdap ketkeni bir bólek, qoradan alyp shyǵýy da azaımaı otyr. Polısııa tarapynan urlyqty ashýda ilgerleýshilik bolǵanymen tabylmaýy tarazy basyn kóbirek basyp tur.
Aýdandyq polısııa bólimi bastyǵynyń orynbasary Aqtaý Eralıev:
«Bizdiń aýdandyq polısııa bólimi tarapynan bir «Ýaz» avtokóligimen 3 qyzmetker azannan keshke deıin kezekshilikte bolady. Olar eki aýysymmen jumys jasaıdy. Kúni boıy kólikpen úsh qyzmetker kezekshilikte bolsa, tańǵa deıin taǵy kelesi aýysym jumysyn jalǵastyrady. Iаǵnı, baqylaý úzilissiz júredi. Olar kezekshilik barysynda aýdannan shyǵyp jatqan kólikterge baqylaý júrgizedi. Olardyń ishinde mal tıep bara jatqandar bolsa, onyń zańdylyǵyn anyqtaıdy», - deıdi.
Ol mal urlyǵynyń kóbeıýiniń bir sebebi, ortadan baqtashy jaldap, maldy padaǵa qospaýdan ekendiginde aıtady. Sol sııaqty bas ıesiz júrgen iri qaralardyń avtodálizderge shyǵyp ketip, aýyr júk mashınalaryna qaǵylyp jatqandary da bar eken.
«Mal ashýy-jan ashýy» degenmen, aq adal malynyń barymtashylardyń qolynda ketýine ıeleriniń de jaýapkershiligi bar ekenin qaperge alǵan jón-aý.