Ashylý saltanatyna «Turan» ýnıversıtetiniń rektory Rahman Alshanov, QR Memlekettik qyzmet jáne sybaılas jemqorlyqqa qarsy is-qımyl agenttiginiń Almaty qalasy boıynsha memlekettik qyzmet departamentiniń bastyǵy Serik Primbetov, Bostandyq aýdanynyń halyqqa qyzmet kórsetý ortalyǵynyń jetekshi mamany Jánibek Saýytbekov, Respýblıkalyq deńgeıdegi jastarǵa qoldaý kórsertý ortalyǵynyń basshysy Baqtııar Baqytkeldiuly, basshynyń orynbasary Dıdar Jandaıbek qatysty.
Sapaly jáne jyldam qyzmet kórsetý maqsatynda ashylǵan ortalyqta stýdentterdiń ótinishi boıynsha transkrıpter berý; oqý ornynan anyqtama alý; pánderge jazylý; akademııalyq demalys alý, oqýdan shyǵý, basqa mamandyqqa jáne oqý túrine aýysý, jeke derekterdi aýystyrý jáne basqa da suraqtar boıynsha ótinishterdi qabyldaý; bilim alý prosesinde bosaǵan bos bilim berý granttaryna jáne prezıdenttik stıpendııaǵa qujattar qabyldaý; akademııalyq utqyrlyq baǵdarlamalary boıynsha konkýrsqa qujat qabyldaý; stýdentter Úıine tirkelý, ornalasý jáne shyǵý; ID-kartalardy, logın, qupııa tańbalardy, «Ońaı» kartasyn alý jáne qaıta rásimdeý; áskerı esepke tirkeý; áskerı qyzmet merzimin uzartýdy qamtamasyz etý; áskerı kafedrada oqýǵa baǵyttaý; áskerı quqyq máseleleri boıynsha keńes berý; jumyspen qamtý máselesine yqpal etý; kásibı tájirıbeden ótýge baǵyttaý sııaqty qyzmet túrlerine stýdentter dúısenbi-juma kúnderinde erteńgi saǵat 9.00-den keshki saǵat 18.00-ge deıin onlaın túrinde de jiberý múmkindigi qarastyrylǵan.