Is-sharalar 2016-2019 jyldarǵa arnalǵan «Densaýlyq» memlekettik baǵdarlamasynyń sheńberinde bolady.
Atap aıtqanda, Dúnıejúzilik densaýlyq kúnin merekeleý sheńberinde eldiń medısınalyq uıymdarynda sáýirdiń 1-inen 10 aralyǵynda ashyq esik kúnderi bastalady.
Árbir nıet bildirýshi óziniń densaýlyǵynyń jaı-kúıi týraly arnaıy mamandardyń konsýltasııalyq-dıagnostıkalyq jáne praktıkalyq beıindi mamandardyń kómegin tegin ala alady, olar: oftalmolog, otorınolarıngolog, kardıolog, nevropatolog, travmatolog, pedıatr, psıhıatr-narkolog, endokrınolog, balalar ortopedi, logoped, defektolog jáne basqalar.
Buǵan qosa, Dúnıejúzilik densaýlyq kúni sheńberinde elimizdiń barlyq medısına uıymdarynda fleshmobtar, salaýatty jattyǵýlar, velomarafondar jáne t.b. is-sharalar uıymdastyrylady.
Jalpy bilim beretin mektepterde Densaýlyq Elshileriniń, tanymal sportshylar, ánshiler, akterlerdiń qatysýymen jattyǵýlar ótedi.
Densaýlyq Mektepterinde, alǵashqy medısınalyq-sanıtarlyq kómek uıymdarynda halyqpen medısına qyzmetkerleriniń, psıhologtardyń, áleýmettik qyzmetkerlerdiń «Ýaqtyly skrınıng ótý» taqyrybynda kezdesýler ótedi