Máskeýden júldemen oraldy

Meıirjan Alǵamjanov jer­gilikti Abaı atyndaǵy №2 lı­seıdiń 7-synybynda oqıdy. Jas zertteýshiniń ǵylymı je­tek­shisi – atalǵan lıseıdiń qazaq tili men ádebıeti pániniń muǵa­limi Aqerke Baltabaı. Bu­dan buryn daryndy oqýshy As­ta­nada uıymdastyrylǵan «Qa­zaqstannyń bolashaǵy – jas­­tardyń qolynda» atty respýb­lıkalyq ǵylymı-prak­tıkalyq konferensııada top jarǵan bolatyn. Endi Meıirjan Polshada kúz aılarynda ótetin II halyqaralyq ǵylymı saıysqa qatysady. – Bul taqyrypty ótken jyl­dyń jeltoqsan aıynan beri zertteı bastadym. Sol kezde bizdiń mektepte Jeńis Qashqynovtyń 75 jyldyǵyna arnalǵan «Jyr tókse kólge aqqý, qaz qonatyn...» atty ádebı-sazdy kesh ótken bolatyn. Sol sharadan úlken áser aldym. Astanadaǵy respýb­lıkalyq baıqaý aldynda Jeńis Qashqynovtyń balalarǵa arnal­ǵan jyrlaryn jan-jaqty zerttesem, Máskeý konkýrsyna aqyn atamyzdyń halyqtar dostyǵyn ózek etken ertegileri men balladalaryna arnalǵan jobamen qatystym. Aldaǵy ýaqytta osy taqyrypty tereńdete zerttep, qazaq balalar ádebıetiniń álem poezııasynan oıyp oryn ala­tyndyǵyn dáleldeýdi aldyma maqsat etip qoıamyn, – deıdi armany asqaq Meıirjan.