Syrdarııa ózeniniń jaǵasyna qonys tepken syrboıylyqtar kóktem kelisimen ábigerge túsetin. О́ıtkeni, asaý minezdi darııanyń sý tasqyny qaısybir jyldary shabyndyq pen jaıylymdyq, egistik jerlerdi ǵana emes, eldi mekenderdi de sý tasqynynyń astyna alatyn.Osy bir tótenshe jaǵdaı saldarynan sý shaıyp ketken egis kólemi qysqaryp, shabyndyq, jaıylymdyq jerler de jutańdap, kádege jaramaı qalýshy edi. Osyǵan baılanysty sý qaýpin seıiltý maqsatynda syrboıylyqtar kún-tún damyl tappaı darııa sýyn basty baqylaýlaryna alyp otyratyn.
Sý tasqynynyń aǵymdaǵy jylǵy ahýalyn bilý maqsatynda sý sharýashylyǵy mamandarymen tildesken edik. Olardyń paıymdaýynsha, bıylǵy jyly Shardara sý qoımasyna sekóntine 1200 tekshe metr, Kóksaraı sý torabyna 300 tekshe metr sý kelýde eken. Al, Qyzylorda oblysy shekarasyna sekóntine 825 tekshe metr sý kelip jatsa, osynyń 475 tekshe metri Qyzylorda sý torabynan ótýde.
Kúni keshe Qyzylorda qalasyna Syrdarııa ózeni aǵysymen sekóntine 485 tekshe metr sý aǵysy kelip, onyń 10 tekshe metri Jańadarııa kanalyna jiberilip, 475 tekshe metri darııanyń tómenine qaraı jóneltilgen. Sóıtip, qala turǵyndary sý tasqyny qaýpinen arylyp, endi Syrdarııa ózeniniń tómengi jaqtaryna qonys tepken eldi meken turǵyndary sý tasqynynyń aldyn alý sharalaryn kún-tún kóz ilmeı saqadaı-saı ázirlikpen baqylaýda ustaýda.
Elbasynyń tikeleı nusqaýymen Kóksaraı sý qoımasynyń salynýy syrboıylyqtardy jyl saıynǵy sý qaýpinen birjolata aryltyp qana qoımaı, qýanysh qushaǵyna keneltip, Elbasyna degen aq alǵystar aıtylýda.
Qyzylorda
Erkin ÁBIL.