Qazaqstan – Túrkmenstan – Iran temirjol dálizimen ótken jyly júk tasymaly 1 myń JFB qurady.
«QTJ» UK» AQ Basqarma Tóraǵasynyń Birinshi orynbasary Qanat Álmaǵambetov atap ótkenindeı, konteınerlik júkter aǵyny ásirese О́zbekstanǵa jáne Bolashaq stansııasy arqyly Iranǵa artyp otyr. Atalǵan dálizge О́zbekstannyń qosylýymen ol aıtarlyqtaı qysqardy.
«Qytaıdan bizdiń elimizge jáne ózge de baǵyttarǵa júkter tranzıtin damytý úshin qolaıly tarıfterdi ázirleý jáne ózge de jaǵdaılardy jasaý mańyzdy», - dedi Q.Álmaǵambetov.
Kelissózder barysynda tasymaldy arttyrý úshin júkterdi der kezinde jetkizýdiń mańyzy atap kórsetildi. Osyǵan baılanysty fıtıngtik platformalarǵa suranysty qanaǵattandyrýǵa erekshe nazar aýdarylýda. Qazaqstandyq tarap júkjóneltýshilerdi jyljymaly qurammen tolyq qamtamasyz etýge mindetteme alyp otyr.
Kezdesýde tıelgen konteınerler úshin 2019 jyly Qytaı – Qazaqstan – О́zbekstan – Túrkmenstan – Iran dálizi boıynsha tarıftik sharttardy ornatý jáne turaqty konteınerlik servısterdi uıymdastyrý, IIR – QHR baǵdaryna qosymsha júkterdi tartý máseleleri talqylandy. Aǵymdaǵy jyldyń sáýirinen bastap Aqtaý – Alıat baǵdary boıynsha turaqty fıderlik servıs iske qosylady.
Kezdesý qorytyndysy boıynsha Qazaqstan – Túrkmenstan – Iran temirjol dálizine О́zbekstan da qosylady. Jaqtar atalǵan baǵdar boıynsha konteınerlik tasymaldarǵa ózbekstandyq taraptyń qatysýy týraly sheshimge kelismderin berdi.
Jaqtar sonymen qatar keshendi tarıftik stavkalardy kelisti.
Kezdesý qorytyndysy boıynsha tıisti Hattamaǵa qol qoıyldy.