«Qorǵas» shekaralyq baqylaý otrıadynyń «HShBYO» bólimshesiniń shekara narıady keshe keshkilik Ortalyq aýmaǵynan jaıaý qaıtyp kele jatqan 22 jastaǵy Qazaqstan azamatyn ustady. Bul týraly QR UQK ShQ baspasóz qyzmeti habarlady.
«Shekarashylar shekaralyq jáne kedendik baqylaýdan ótip bolǵan azamattyń qolynda «paıda bolǵan» eki qorapqa kóńil aýdardy. Qoraptardyń ishi tolǵan medısınalyq dári-dármekter (shyny ampýlalar) eken. Árıne, eshqandaı ruqsat qujattary bolmaǵasyn 20 kg dári-dármekti shekarashylar men kedenshilerge kórsetpeı, jasyryn ótpek bolypty» delingen habarlamada.
Ortalyq aýmaǵynan tabylǵan taǵy úsh qorapqa salynǵan salmaǵy 26 kg qubyrlardy bekitýge arnalǵan temir topsalar men 2 qorap dári-dármektiń ıeleri anyqtalǵan joq.