Irikteý kezeńi qalalyq mádenıet saraıyna ata-analarymen, mýzykalyq tálimgerlerimen jáne dostarymen asyǵa kelgen qatysýshylardyń tirkelýinen bastaý aldy. Olarǵa kastıngtiń erejeleri men formaty túsindirildi. Ádil qazylar alqasynyń músheleri mýzykalyq prodıýser Farıda Nııazova, uıymdastyrý komıtetiniń ókili Tolǵanaı Hasen jáne tanymal qazaqstandyq oryndaýshy Serik Gamza-Zade 9 saǵat boıy jas daryndardyń ónerlerin tamashalady.
Aqtyq kezeńge joldamany 12 jastaǵy Dilnur Atageldi ıelendi. Ol qazylar alqasyn jan tebirentetin daýysy ári jarqyn júzimen súısindire aldy. Dilnur 25-27 qazan kúni Respýblıka saraıynyń sahnasynda ótetin aqtyq kezeńinde Jambyl oblysynyń atynan óner kórsetedi.
Mádenıet jáne sport mınıstrligi jáne Qazaqstan Respýblıkasynyń Tuńǵysh Prezıdenti – Elbasy Qorynyń qoldaýymen Álııa Nazarbaevanyń «Jandaný álemi» qory tarapynan uıymdastyrylatyn baıqaýdyń irikteý kezeńi 29 naýryzdan 22 mamyrǵa deıin ótkiziledi. Kelesi kastıngter 5 sáýir kúni Shymkentte jáne 7 sáýir kúni Túrkistanda ótedi.