J.Jıenbaev atyndaǵy О́simdikterdi qorǵaý jáne karantın ǵylymı-zertteý ınstıtýtynyń dırektory Abaı Saǵıtovtyń aıtýynsha, «Baıserke-agro» kópsalaly Agroholdıngimen birlese jumys isteý 2012 jyldarda jolǵa qoıylǵan. Atalǵan Agroholdıngke birlese jumys istep, otandyq agrokeshen ǵylymyn damytýǵa baılanysty birlesken is-qımyldar qolǵa alyndy. Mine, osy segiz jyl kóleminde ozyq tájirıbeler men jetistikterdiń nátıjesinde kóptegen ıgi ister qolǵa alyndy.
«Baıserke-Agro» ǵylymı-óndiristik oqytý ortalyǵynda elimizdiń aýyl sharýashylyǵy salasynyń damýyna qatysty ozyq tájirıbeler qalyptasqan.
«Baıserke-Agro» óndiristik kesheninde aýyl sharýashylyǵy daqyldaryn ósirý barysynda otandyq ǵalymdar ázirlegen ınnovasııalyq tehnologııalar belsendi túrde qoldanylady. Búginde sharýashylyq quramyna veterınarlyq patologııa-anatomııalyq zerthanalary, jem-shópti zootehnıkalyq taldaýdan ótkizetin zerthanasy jáne agrohımııa zerthanasy bar ǵylymı-óndiristik oqytý ortalyǵy kiredi.
«Ǵylym, bilim, bıznesti biriktirmesek nátıje bolmaıtynyna kóz jetkizdik. Osy turǵyda ınstıtýtta tuqymdy zalaldandyrýmen baılanysty ósimdik qorǵaý júıesi qalyptasty. Iаǵnı, qodanystaǵy tuqymdardyń barlyǵy derlik kóptegen vırýstardan emdele bastady. Tuqym sapasyz bolsa, tolyqqandy ónim alý múmkin emestigi belgili. Bir aıta keterligi, bakterııalyq zalalsyzdandyrýǵa kelmeıtin tuqym túrlerin mal azyǵy retinde de paıdalanýǵa kelmeıdi. Búginde otandyq jáne sheteldik tuqymdardy zertteýdiń keshendi júıesi damyp keledi»,-deıdi Abaı Orazuly. Bıotehnologııalyq jaǵynan TMD elderinen 40-50 jylǵa ozyq ketken Gollandııa, Ispanııa, Italııa, Fransııa, Germanııa sııaqty elderdiń tájirıbelerin negizge alǵan otandyq ǵylymdardyń búgingi jetistigi qomaqty. Atalǵan ınstıtýt bir ǵana Germanııanyń 25 ınstıtýtymen áriptestikte jumys istep keledi. Sonyń nátıjesinde ósimdikterdi qorǵaýdyń san-salaly jetistikterine qol jetkizilip keledi.
Konferensııada respýblıkanyń agrarlyq sektorynyń ózekti máselelerin talqylaý maqsatynda otandyq jáne sheteldik ǵalymdar ósimdikterdi qorǵaýdyń zamanaýı jetistikterine, kókeıtesti máselelerine oraı úzdik tájirıbelerimen bólisip, aýyl sharýashylyǵy daqyldaryn jetildirý, qoldanylatyn bıopreparattar men mıkro tyńaıtqyshtar, tuqymdyq jáne topyraq ınfeksııalary, jasyl aımaqtardyń jaǵdaıy, jemisterdi zııankesterden qorǵaý, t.b. taqyryptardaǵy usynys-pikirlerimen bólisti.