Túrkııanyń Antalııa qalasynda dzıýdodan kezekti Gran-prı týrnıri máresine jetti dep habarlaıdy Olympic.kz.
Dzıýdoshylar básekesinde Qazaqstan quramasy eki medal jeńip aldy. 60 kelidegi Eldos Smetov qarsylas shydatpaı, týrnır jeńimpazy atansa, 48 kelidegi Galbadrah Otngonseseg aqtyq synda súrinip, kúmisti qanaǵat tutty.
Bul eki balýan da 2016 jylǵy Rıo Olımpıadasynyń júldesin ıelengen.
О́kinishke qaraı, jarystyń qalǵan eki kúninde qazaqstandyq dzıýdoshylar alysqa uzaǵan joq.
Gran-prı týrnıriniń qorytyndysy boıynsha eki júlde enshilegen Qazaqstan komandasy jalpy esepte úshinshi orynǵa taban tiredi. Alǵashqy eki orynda Grýzııa jáne Ázirbaıjan komandalary tur.