Toqaev Qazaqstan Respýblıkasynda kezekten tys prezıdent saılaýyn taǵaıyndaý týraly jarlyqqa qol qoıdy — saılaý 2019 jyldyń 9 maýsymyna belgilendi. Bul týraly Aqordanyń baspasóz qyzmeti habarlady.
Qazaqstan Respýblıkasy Konstıtýsııasynyń 41-babynyń 3-1-tarmaǵyna sáıkes QAÝLY ETEMIN:
1. Qazaqstan Respýblıkasy Prezıdentiniń kezekten tys saılaýy 2019 jyldyń 9 maýsymyna taǵaıyndalsyn.
2. Qazaqstan Respýblıkasynyń Ortalyq saılaý komıssııasy kezekten tys prezıdenttik saılaýdy uıymdastyrý men ótkizýdi qamtamasyz etsin.
3. Qazaqstan Respýblıkasynyń Úkimeti kezekten tys prezıdenttik saılaýdy uıymdastyrýshylyq, materıaldyq-tehnıkalyq jáne qarjylyq qamtamasyz etý jónindegi qajetti sharalardy qabyldasyn.
4. Oblystardyń, Nur-Sultan, Almaty men Shymkent qalalarynyń ákimderi saılaý quqyǵy bar azamattardyń tizimin der kezinde jasaýdy jáne durystyǵyn qamtamasyz etsin, Ortalyq, aýmaqtyq jáne ýchaskelik saılaý komıssııalaryna kezekten tys prezıdenttik saılaýdy uıymdastyrý men ótkizý máselelerin sheshýde jan-jaqty kómek kórsetsin.
5. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti
Q.Toqaev