Atalmysh jobaǵa Qazaqstan, О́zbekstan jáne Qyrǵyzstan sýretshileri qatysty. Olardyń sapynda Erken Jýraev, Azıza Avezova, Vıktorııa Soı, Ýmıt Jýbanysheva, Svetlana Soı, Galııa Makasheva, Gýlnar Askarova ı Bahyt Karashev syndy tanymal qylqalam sheberleri bar.
Kórmeniń ashylý saltanatyna О́zbekstan Respýblıkasynyń Qazaqstandaǵy Bas konsýlynyń orynbasary Bahtııor Kamalov, QR Sýretshiler odaǵynyń tóraǵasy О́mirbek Jubanııazov, Á. Qasteev atyndaǵy QR Memlekettik óner mýzeıi dırektorynyń ǵylym jónindegi orynbasary Svetlana Kobjanova, Ortalyq kórme zalynyń jetekshisi Altynjan Hojamýratova, Á. Qasteev atyndaǵy QR Memlekettik óner mýzeıiniń baspasóz qyzmetiniń jetekshisi Klara Isabaeva jáne taǵy basqa da óner janashyrlary qatysty.
«О́tkennen jańǵyryq» kórmesi Buharadaǵy plenerden bastaý alǵan. Sýretshiler bul qalaǵa kelý arqyly, onyń ereksheligine, áli kúnge deıin ómir súretin ejelgi rýhyna tamsanyp óz týyndylarynda ystyq qumdy úılerdiń boıaýyn, saýda dúkenderi men ulttyq kıimderdiń jarqyn tústerin qaǵazǵa túsirip, ózderiniń boıaýlar men kóńil-kúıleriniń erekshe álemin jazdy. Kóne kezeńniń sáýlet óneri tarıhqa endirip jiberetindeı kúı keshtiredi.
«Atalmysh kórme – árbir sýretshi Buharany óz kórý deńgeıinde tamashalap, oǵan degen tańdanysy men alǵysyn bildirý úshin Buharany shynaıy qalpynda kórsetýge talpyný. Buhara... kóne jáne ǵajap, mıllıondaǵan adamdardyń nazaryn ózine magnıtshe tartady. Adamzat tarıhynyń úlken bóligi osy ertegi, ańyzdar men poezııanyń qalasymen baılanysty.
Joba bir top daryndy sýretshilermen ázirlendi, jáne búgin biz olarmen birge Buharany bizdiń qalamyzǵa ashyp otyrmyz», - deıdi óner mýzeıiniń baspasóz qyzmetiniń jetekshisi Klara Isabaeva.