Astana-1 stansasynyń ataýy Nur-Sultan-1 dep ózgertildi. Al Astana – Nurly jol stansasy endi Nur-Sultan – Nurly jol stansasy dep atalatyn boldy. Bul týraly «Qazaqstan temir joly» UK» AQ baspasóz qyzmeti habarlady.
Prezıdenttiń Astana qalasynyń ataýyn Nur-Sultan qalasy dep ózgertý týraly Jarlyǵyna sáıkes «QTJ – Júk tasymaly» AQ temirjol ákimshilikteriniń №4 tarıftik nusqaýlyǵyna ózgerister engizildi. Qujat memleketter temirjol ákimshilikteri ýchaskelerindegi stansalar arasyndaǵy tarıftik araqashyqtyqty aıqyndaýǵa arnalǵan.