Aýyl sharýashylyǵy vıse-mınıstri G.S. Isaeva, Jambyl oblysy ákiminiń orynbasary M.J. Shókeev, Agroónerkásiptik keshendegi memlekettik ınspeksııa komıteti tóraǵasynyń orynbasary A.M. Mars shtabtyń kóshpeli otyrysyna qatysty.
Shegirtke zııankesterine qarsy daıyndyqty talqylaý barysynda «Fıtosanıtarııa» RMK, «Fıtosanıtarııalyq dıagnostıka jáne boljaý boıynsha Respýblıkalyq ádistemelik ortalyqqa» RMM mekemeler qyzmetin jetildirý boıynsha usynystar ázirlendi.
Jambyl oblysynda bıyl 184,5 myń gektar aýmaqqa shegirtkeniń taralýy kútilýde, onyń ishinde 89,8 myń gektarǵa marokkalyq shegirtke, 75,9 myń gektarǵa ıtalıandyq shegirtke, 18,8 myń gektarǵa azııalyq shegirtke.130-ǵa tarta maman tartylady. 34 birlik búrikkish jabdyqtar men 5 ushaq ázirlendi. Aımaqtyń 70% jermen jáne 30% ushaqpen óńdeletin bolady.
11 myń lıtrden asa tıimdiligi joǵary dárilik zattar qoldanylatyn bolady.
Eske sala keteıik, 2018 jyly Jambyl oblysynda shegirtkelermen kúresý úshin óńdeýdiń aýmaǵyn ulǵaıý shegi baıqalyp, 345,3 myń gektarǵa jetken, al 2017 jyly 268 myń gektarǵa deıin óńdeldi. О́tken jyly taralǵan shegirtkelerdiń shegi marokkalyq shegirtkelerdiń sany men taralýynyń artýyna baılanysty - 298,7 myń ga (2017 jyly 210 myń gektarǵa qaraǵanda) baıqaldy.
Sonymen birge aǵymdaǵy jyly ıtalıandyq shegirtkelerge qarsy óńdeý aýmaǵy 75,9 myń gektar (salystyrý úshin, 2017 jyly 38,9 myń gektar, tek 2009-2010 jyldarda 111,6 jáne 97,8 myń ga ulǵaıý shegi baıqaldy) kútilýde.
Azııalyq shegirtkelerdiń bıylǵy jyly aıtarlyqtaı emes ósimi baıqalady - 18,8 myń gektar, al 2017 jyly 7,7 myń gektar.