Osy ýaqytqa deıin kóptegen sarapshylar bizde saılaý kúzde ótkiziledi dep júrgen edi. Al Prezıdent onyń merzimin alysqa uzatpaı, jaqyn arada ótkizýdi durys dep sanap otyr. Men bul sheshim saıası jaǵynan utymdy qadam dep sanaımyn. О́ıtkeni qazirgi Prezıdentimiz álemde Elbasy N.Nazarbaevtyń saılanǵan merzimin aıaǵyna deıin jetkizýshi, ýaqytsha tulǵa ǵana bolyp qabyldanyp, oǵan tereń senim bolmaıdy. Al biz dúnıe júziniń kóptegen elderimen ekijaqty sharttarǵa otyramyz. Elimizge ınvestısııa tartý máselesinde de Prezıdent kelissózder júrgizedi. Sondaı-aq ishki máselelerde de tikeleı Prezıdenttiń sheshimin kútetin mańyzdy máseleler kóp. Osynyń bárin sheshýde ýaqytsha tulǵaǵa degen senim berik bolmaıdy. Sondyqtan ol halyq mandatyn tolyq alýy kerek. Ol úshin árıne, jalpyhalyqtyq saılaýda kópshilik daýyspen jeńip shyqqany durys. Saılaýda jeńgen Prezıdenttiń ókildigi tolyqqandy bolady jáne oǵan degen senim eselep artady.
Prezıdent óziniń sózinde «saılaýdyń taza, ashyq ári ádil ótýine kepildik beremin! Bul – meniń berik ustanymym!» dep qadap aıtty. Bul qazaqstandyq barsha saılaýshylardyń ózderi daýys bergen úmitkerdiń saılanýyna degen senimin oıatady. Al úmitkerler bizde barlyq tirkelgen saıası partııalardan usynylatyny belgili. Sondyqtan halqymyz saılaýǵa belsene qatysyp, ózderiniń qalaǵan adamyna daýys berýge asyǵýlary kerek.
Murat BAQTIIаRULY,
Senat depýtaty