Otyrysqa qatysqan barlyq «aqjoldyqtar» Memleket basshysynyń kezekten tys saılaý ótkizý týraly sheshimin qoldaıtyndaryn bildirdi. «Q.Toqaevtyń kezekten tys saılaý ótkizý týraly Úndeýi belsendi qoǵamdyq arenadan ashyq aıtyldy. Árıne ol óziniń qyzmetinde kelesi saılaý merzimi kelgenge deıin otyra berýine bolatyn edi. Bul barlyq elderde bolatyn dástúrli norma. Soǵan qaramaı Prezıdent kezekten tys jalpyhalyqtyq saılaý ótkizý týraly sheshim qabyldap otyr jáne onyń ashyq, ádiletti ótetinine kepildik berdi. Osy sheshimi úshin bizdiń demokratııalyq partııamyz oǵan rızashylyǵyn bildiredi», dedi óziniń sózinde A.Perýashev.
Sonymen birge otyrysta kezekten tys prezıdenttik saılaýǵa «Aq joldyń» túsýi jáne úmitkerdi anyqtaýy partııa seziniń quzyretindegi másele ekendigi aıtyldy. Demokratııanyń qaǵıdattaryna sáıkes kez kelgen delegat óziniń kandıdatýrasyn prezıdenttikke úmitker retinde usyna alady. Odan ári partııa kóshbasshysy qaısy úmitkerdiń jeńetinin sezd anyqtaıdy degen pikirlerin ortaǵa saldy.
Osyǵan baılanysty delegattardy saılaý jáne olardy usyný normalaryn anyqtaý úshin partııanyń Ortalyq keńesi aldymyzdaǵy senbi, 13 sáýir kúni pleným ótkizý týraly sheshim qabyldady.