Synaqtan kúterimiz kóp

Seısenbi, 24 sáýir 2012 7:16

Qazaqstan Respýblıkasynyń Ishki ister mınıstrliginiń jeke quramyn kezekten tys attestattaýdan ótkizý  máselesi búginde keń talqylanýda. Saqshylar qyz­metin ilgeri damytatyn mun­daı bastamalar men  túbegeıli ózgerister keleshekte zańnyń buzylýyn, qaǵıdatsyzdyqtyń oryn alýyn boldyrmaý nıetinde mindettelgeni aıan.

Seısenbi, 24 sáýir 2012 7:16

Qazaqstan Respýblıkasynyń Ishki ister mınıstrliginiń jeke quramyn kezekten tys attestattaýdan ótkizý  máselesi búginde keń talqylanýda. Saqshylar qyz­metin ilgeri damytatyn mun­daı bastamalar men  túbegeıli ózgerister keleshekte zańnyń buzylýyn, qaǵıdatsyzdyqtyń oryn alýyn boldyrmaý nıetinde mindettelgeni aıan.

Aǵymdaǵy jyldyń 8 sáýi­rinde Elbasy «Qazaqstan Res­pýb­lıkasy quqyq qorǵaý organ­darynyń qyzmetkerlerin kezekten tys attestattaýdan ótkizý týraly» Jarlyqqa qol qoı­ǵany belgili. Attestattaýdan keıin polıseılerdiń eńbek­aqy­sy men áleýmettik kepilin kó­beıtý má­selesi de qaralýǵa tıis. Qaıta at­testattaý ár polıseı aldy­na qoıylǵan talaby men laýa­zymyna jaýap berýi tıis degendi bildiredi. Oǵan polı­seılerdiń kásibı daǵdysy, bilim deńgeıi men dene  tárbıesi daıyndyǵy da saı bo­lýy shart. IIB-niń ár qyzmetkeri teorııa­lyq jáne dene tárbıesi daıyn­dyǵy boıynsha emtıhan tap­syrý­men qatar, atqaryp otyr­ǵan laýa­zy­myna sáıkes psıho­logııalyq jáne memlekettik tildi bilý deńgeıin anyqtaý úshin birqatar test tapsy­ra­tyndyǵy – óte quptarlyq is.

Keń kólemde júrgizilgeli otyrǵan bul sharany kadrlyq saıasatty nyǵaıtý, elimizdiń ishki turaqtylyǵyna, quqyq tárti­bine, zańnyń saqtalýyna jaýap­ty adamdardyń kásibı deńgeıin jetildirý maqsatynda qolǵa alyn­ǵan mańyzdy qadam dep bilemin. Qazaqstan qoǵamy bul at­testattaýdy jalpy polısııa qyz­metin shyn máninde tıimdi etý­­ge, el ishinde quqyq qorǵaý or­gandary qyzmetkerleriniń már­tebesin kóterýge múmkindik beretin ýaqyt talaby dep qabyl­daýda. Ishki ister salasy aqyl-oı óristiń joǵarylyǵyn ǵana emes, sondaı-aq azamattyq jáne quqyqtyq tolyǵýdy talap etetin qyzmettiń erekshe túri. Byl­tyrǵy jyly elimizdiń birqatar qalalarynda oryn alǵan ke­leńsiz oqıǵalar óz mindetin at­qarýda daıyn emes bolyp shyq­qan keıbir polısııa qyzmet­ker­leriniń kásibı jáne psıholo­gııalyq deńgeıin baıqatty. Iritki salýshy oıy buzyq qylmys­ker­lermen kúresýge, jalpy qarýly qaqtyǵysqa daıyndyq tájirıbe­siniń joqtyǵy – táýelsiz eldiń tynyshtyǵyna jaýapty qyzmet ókilderi úshin úlken kemshilik.

Sóz etýge kóńilimiz soqpasa da, BAQ arqyly eldegi keı ke­leńsizdikterden habardar bolyp otyrmyz. Sonyń biri, polısııa qyzmetkerleri jazym bolǵan oqıǵalardyń deninde, saraptama kórsetkendeı, qorǵanýdyń qara­paıym erejelerin saqtama­ǵan­dyq­ jatyr. Onyń syrtynda elmen tyǵyz baılanystaǵy, tártip pen tynyshtyq kúzetinde júr­gen árbir qyzmetker  úshin mańyzdy minez – tózimdilik pen baısal­dylyq, ózin ózi ustaı bilý qa­sıetteri búgingi quqyq qorǵaý or­gany qyzmetkerlerinde aza­ıyp bara jatqandaı.

Kadr saıasaty árqashanda bas­shylyq quram men qol astyn­daǵylardyń, memlekettik qury­lymdar men atqarýshy bıliktiń,  eń bastysy halyq pen olardyń quqyǵy men bostandyǵy senip tapsyrylyp, olardy qorǵaý qa­tarynda turǵandardyń arasyn­daǵy ózara qarym-qatynastyń kúr­deli tizbeginde mańyzdy bó­ligi bolǵan jáne bolyp qala bermek. Árıne sońǵy kezderi ishki ister organdaryna kezdeısoq, paıdakúnem  adamdardyń ený derekteri oryn alyp jatqandyǵy eshkimge qupııa emes. О́z ókilet­tigin asyra paıdalanyp, teris is-árekettermen, polısııa qyzmet­kerlerine jat qylyqtarmen kózge túsip júrgen derekter sol biliktiliktiń tómendiginen týyn­daýda. Jeke quramdy attestattaý irikteýdiń, kýrsanttardy, ofı­serlerdi, serjanttar quramyn oqytýdyń jańa tıimdi talap­taryn anyqtaýǵa múmkindik berip qana qoımaı, ómirlik usta­nymdary jeke qara bastarynyń qamyn oılaıtyn, aram nıetterin júzege asyrý úshin kelgen qyzmetkerlerden polısııanyń qataryn tazartýǵa da múmkindik beredi.

Bolashaq polıseılerge qo­ıyla­tyn talaptar negizdi ári asa qajetti bolǵany jón. Búgingi kýrsanttardan, erteńgi polıseılerden qylmystyń ashylýy, quqyq buzýshylyqtyń aldyn alý sapasy joǵary deńgeıde talap etiletin bolady. Munyń bári jalpy alǵanda elimizdegi turaqtylyqqa  tikeleı baıla­nysty. Meniń oıymsha, kezekten tys attestattaý qyzmettik, dene shynyqtyrý  jáne jaýyngerlik daıarlyqty jetildirý boıynsha kadr apparaty jumysyndaǵy álsiz tustardy anyqtaýy tıis, bul óz kezeginde mindetterine atústi qaraıtyn qyzmetker­ler­den arylýǵa múmkindik beredi. Al quqyq qorǵaý salasyna kezdeısoq kelip qalǵan azamattar óz kezeginde basqa saladaǵy qyzmetterde óz bilimderin, kúsh-qýattaryn tolyqtaı kórsete alýy múmkin.

Qanseıit ÁBDEZULY, Ál-Farabı atyndaǵy QazMÝ-dyń professory.

ALMATY.