PARTIIаLYQ BAQYLAÝDYŃ PÁRMENDILIGI

Osy jyldyń qańtary men aqpanynda “Nur Otan” HDP Partııalyq baqylaý komıtetiniń mú­she­leri jáne komıtet hatshylyǵynyń qyz­met­kerleri par­tııanyń máslıhattardaǵy depýtattyq frak­sııalarynyń qyzmetin tolyq zertteý maq­satynda elimizdiń barlyq aımaqtarynda saparmen baryp qaıt­qan edi. Bul sharalarǵa, son­daı-aq partııanyń aı­maq­tyq fılıaldaryna jetekshilik etetin qyz­met­kerler de qatysqan bolatyn. Buǵan qosa, “Nur Otan” partııasyna múshe máslıhat de­pý­tat­ta­rynyń arasynda saýal­da­ma da júr­gi­zil­gen-di. So­ny­men, tekserýge qatysty jasalǵan taldaý neni kórsetti? Búginde elimizde “Nur Otan” partııasynyń 213 depýtattyq fraksııasy jumys isteıdi. Olardyń 16-sy oblystyq, 37-si qalalyq, 160-y aýdandyq máslıhattarda qurylǵan. Qazirgi kezde jumys istep jatqan depýtattyq kor­pýs­ta­ǵy frak­sııa­lar­dyń quramyna “Nur Otanǵa” múshe 3158 depýtat kiredi. Al máslıhat de­pýt­at­ta­rynyń arasyndaǵy partııalyq jiktelý 95,4 paıyzdy qu­raı­dy. Iаǵnı, máslıhattarǵa saı­lan­ǵan depý­tat­tar­dyń 95,4 paıyzy “Nur Otan” par­tııasynyń músheleri bolyp tabylady. Ár deń­geıdegi depýtattyq fraksııalardyń partııa jar­ǵy­sy men baǵ­dar­la­masy, sondaı-aq fraksııalar týraly ereje aıa­syndaǵy qyzmetin partııanyń aımaqtyq fı­­lıaldary úılestirip otyrady. Olar depý­tat­tyq fraksııalar qyzmetin quqyqtyq, tal­da­ma­lyq, uıymdastyrýshylyq jáne qujattamalyq negizde qamtamasyz etedi. Tekseris barysy kórsetkendeı, “Nur Otan” par­tııasyna múshe máslıhat depýtattary turaqty komıssııalar jumysyna qatysýymen qatar, partııalyq baǵyttar boıynsha da tapsyrmalardy oryndap keledi. Olardyń kópshiligi partııanyń aı­maqtyq saılanbaly organdaryna múshe. So­ny­men qatar, olar “Jol kartasy”, “100 mek­tep, 100 aýrýhana” jáne “Aýyz sý” áleýmettik asa mańyzdy baǵ­darlamalardy júzege asyrý, me­dısına meke­me­lerine biryńǵaı densaýlyq saqtaý júıesin engizý aıasynda partııalyq baqylaý beket­teriniń, jem­qorlyqpen kúres jónindegi aımaqtyq qoǵamdyq keńester men partııalyq baqylaý ko­mıs­sııalarynyń jumysyna únemi qatysyp otyrady. Naqty málimetter keltiretin bolsaq, Sol­tús­tik Qazaqstan oblysyndaǵy “Nur Otan” HDP-ǵa múshe 209 depýtattyń 101-i, ıaǵnı 48 paıyzy par­tııanyń saılanbaly organdarynyń ju­my­syna turaqty qatysady eken. Aqmola obly­syn­daǵy Jarqaıyń aýdandyq máslıhatynyń nurotandyq depýtattary ózderiniń kópshilik ak­sııa­laryn par­tııa fılıalynyń partııalyq ba­qylaý komıs­sııa­sy­men birlesip ótkizedi. Olar son­daı-aq qurylysy júrip jatqan nysandarda par­tııalyq baqylaýdyń qosymsha beketterin ashý jó­ninde bastama kóterip, reıdter uıymdastyrǵan. Tekseris kezinde belgili bolǵanyndaı, partııa qa­ta­ryndaǵy depýtattar óz saılaý okrýgterindegi saı­laýshylar jıyndaryna, eńbek ujymdary men me­kemelerdegi basqosýlarǵa qatysýymen qatar, partııa fı­lıaldaryndaǵy qoǵamdyq qa­byldaý bólmelerinde azamattardy jeke qa­byl­daýlar uıym­dastyryp, áleýmettik-eko­no­mı­kalyq sıpat­ta­ǵy aımaqtyq problemalardy she­shý­ge at­sa­­lysady. Máselen, Shyǵys Qazaqstan ob­ly­sy­nyń depýtattary 2008-2009 jyldary saı­laý­shy­larmen, memlekettik org­an­dar qyz­met­kerlerimen, basqa da mekemeler bas­shy­la­rynyń qatysýymen eki myńnan astam kezdesý ótkizgen. Depýtattar “Qazaqstan Respýblıkasynda jergilikti memlekettik basqarý jáne ózin-ózi basqarý týraly” Zańnyń negizinde óz qyz­met­terin depýtattyq saýaldar men jergilikti jáne ortalyq memlekettik organdarǵa júginý arqyly júzege asyrady. Al depýtattyq saýaldar men ótinishter arasynda áleýmettik-ekono­mı­kalyq, quqyqtyq jáne ekologııalyq, mádenıet jáne kommýnaldyq qyzmet kórsetý salalaryna qa­tysty máselelerdiń úlesi basym. Bir mysal kel­tireıik, ótken jyly Qaraǵandy oblysynyń depýtattary memlekettik organdarǵa 80 saýal joldaǵan eken. Olardyń basym bóligi sheshimin taýypty, qalǵany tıisti organdardyń baqy­laýynda tur. Partııanyń aımaqtyq fılıaldary sońǵy jyldary máslıhattar depýtattarymen birlese otyryp, semınarlar men konferensııalar, frak­sııa­nyń kóshpeli otyrystaryn ótkizip, partııa saıasatyn nasıhattaýdy belsendi júrgize bastady. Aıtalyq, Batys Qazaqstan oblysynda partııa­nyń máslıhattardaǵy jıyrma fraksııasynyń oty­rystarynda “Nur Otan” HDP kezekten tys HII se­ziniń qorytyndysy jeke másele retinde qa­ralǵan bolsa, Almaty oblysynda depýtattardyń tórt semınar-keńesi ótken. Al Ońtústik Qazaqstan ob­ly­synda 2008-2009 jyldary partııa saıasatyn halyqqa nasıhattaý men túsindirý boıynsha BAQ-tarda 1217 materıal jarııalanǵan jáne efırden taratylǵan. Degenmen, depýtattyq fraksııalar jumysyn uıymdastyrý barysynda birqatar kemshi­lik­terdiń oryn alyp otyrǵanyn da jasyrýǵa bol­maı­dy, deıdi osy oraıda Partııalyq baqylaý ko­mıteti tóraǵasynyń orynbasary O.Sápıev. Ta­ratyp aıtar bolsaq, barlyq deńgeıdegi má­slı­hattarda qoǵamdyq-saıası turǵyda depýtattardyń belsendi jáne enjar toptary bar ekeni aıqyn­da­lyp otyr. Mysaly, Pavlodar oblystyq más­lı­hatyndaǵy depýtattyq fraksııanyń 30 mú­shesiniń 16-sy ǵana belsendilik tanytyp ke­le­di. Muny partııa fılıalynyń qoǵamdyq qabyldaý bólmesindegi azamattardy qabyldaý kes­tesi ras­taı­dy. Sondaı-aq Aqmola, Atyraý jáne Qy­zyl­orda oblysta­ryn­daǵy keıbir aýdandyq máslı­hat­tardaǵy depýtattyq fraksııalardyń qyz­me­tinde is júrgizý men jumysty josparlaý tıisti deńgeıge qoıylmaǵan. Tekseris barysynda As­ta­na qalasy depýtattyq fraksııasynyń jumys jos­pary tek joba túrinde ǵana bolǵany anyqtaldy. Almaty qalasynyń depýtattyq fraksııasy qyzmetinde de eleýli kemshilikter bar, dep jal­ǵady sózin O.Sápıev. Tekserý kórsetkenindeı, bul fraksııada 2008 jáne 2010 jyldarǵa ar­nalǵan jumys jospary jasalmaǵan, al 2009 jyl­ǵy jumys jospary bolǵanymen, ol be­ki­til­me­gen. Budan bólek, atalǵan depýtattyq frak­sııa­da qa­ral­ǵan máseleler fraksııanyń jumys josparyna sáıkes kelmeıdi. О́ıtkeni, jumys jos­parynda partııaǵa múshe depý­tat­tar­dyń ju­mysy týraly esepterdi tyńdaý qa­ras­ty­ryl­maǵan, áleýmettik-ekonomıkalyq mańyzdy memlekettik baǵdar­la­ma­lardy osy aýmaqta iske asyrýǵa qatysty má­seleler de josparda kórinis tappaǵan. Partııa fılıaldarynyń qoǵamdyq qabyldaý ból­melerinde máslıhat depýtattarynyń aza­mat­tardy qabyldaýdy uıymdastyrý jumystarynda da ol­qylyqtar oryn alyp otyr. Naqty má­li­met­ter keltireıik, Qostanaı oblysyndaǵy Qa­mys­ty jáne Naýyrzym aýdandyq fılıal­da­ry­nyń qoǵamdyq qabyldaý bólmelerinde de­pýtattyq korpýstyń aza­mattardy qabyldaýdy uıymdastyrýy tıisti deń­geıde júrgizilmeıdi. Bul másele Pavlodar ob­ly­syndaǵy Lebıaje jáne Maı aýdandyq partııa fı­lıal­daryna, sondaı-aq Qyzylorda oblysyndaǵy Jańa­qorǵan jáne Qazaly aýdandyq máslı­hat­taryna da tán. Partııa fılıaldaryna turǵyndar atynan depýtattardyń zańsyz áreketteri týraly jazǵan shaǵymdary da kezdesedi eken. Mysaly, Almaty qa­lalyq fılıalyna “Tulpar” avtoturaǵy tutyný­shy­lary kooperatıviniń zeınetkerleri qa­lalyq más­lıhattyń depýtaty, partııa múshesi A.Sa­ma­t­dın­niń zańsyz is-áreketterinen qorǵaýdy óti­nip shaǵym túsirgen bolsa, “Sportkeshen” ko­ope­­ratıvi­niń tóraǵasy B.Kolmogorov máslıhat de­pýtaty, partııa múshesi H.Berǵaripovtiń qyzmet ba­byn paıdalanyp, “Sportkeshen” koope­ra­tı­vi­niń ıe­ligindegi jer telimin jekemenshigine sa­typ alǵany jóninde shaǵymdanǵan. Sonymen qatar, K.Baıdildaeva degen azamatsha “Altyn dıir­men” korporasııasy” AQ-tyń birneshe jyl­dan beri dıvıdent bermegenin, atalǵan ak­sıo­ner­lik qoǵamnyń basshylyǵy óz jumysshylary men qyzmetkerleriniń zeınetaqy qorlaryna tıesili aqshalaryn aýdarmaǵanyn bildirgen. Osy tusta atap óteıik, “Altyn dıirmen” korporasııasynyń prezıdenti A.Maralov “Nur Otan” partııasynyń múshesi, Almaty qalalyq máslıhatynyń depýtaty. – Talaptyń jetkiliksizdigi, sondaı-aq depý­tat­tyq fraksııa músheleriniń ózderi qabyldaǵan she­shimderdiń oryndalýyna tıisti baqylaýdyń joq­tyǵy tártiptiń buzylýyna ákelip soq­ty­ratyny ras. Jekelegen aımaqtarda osyndaı ol­qy­lyqtarǵa jol berilgendigin jasyra almaımyz. Aıtalyq, osy depýtattyq shaqyrylymda “Nur Otan” HDP Jarǵysynyń talaptaryn buzǵany úshin 18 adam partııa qatarynan shyǵarylǵan. Olardyń ishinde úsh eldiń – Qazaqstan, Reseı jáne Germanııanyń azamattyǵyn alǵan Pavlodar qala­lyq máslıhatynyń depýtaty Rýff, bu­za­qy­lyǵy úshin sottalǵan Týpısyn jáne Ertis aý­dan­dyq máslıhatynyń burynǵy depýtaty Ken­je­taev bar. Sonymen qatar, Qostanaı ob­ly­synda Arqalyq qalalyq máslıhatynyń de­pý­ta­ty Islıamıevtiń, Qamysty aýdandyq más­lı­hatynda Tó­legenovtiń, Uzynkól máslıhatynda Baı­dil­dınniń depýtattyq ókilettigi toqtatylyp, partııa qatarynan shyǵaryldy. Mundaı faktiler Aqtóbe, Jambyl, Soltústik Qazaqstan, Qy­zyl­orda oblystarynda da kezdesedi, – deıdi O.Sápıev. Aqmola oblysynyń Esil aýdandyq más­lı­ha­tynda tótenshe jaǵdaı qalyptasqandyǵyn osy jolǵy tekserý anyqtap beripti. Tótenshe jaǵdaı dep otyrǵanymyz, keıbir depýtattar saı­laýshylar aldynda esep berýdi umyt qal­dyrǵan, qoǵamdyq qabyldaý bólmelerinde azamattardy qabyldaýǵa qatyspaǵan. Al fraksııa jetekshisi T.Osıpova osy kemshilikterdi joıyp, aýdandyq partııa fılıa­ly­men ózara tyǵyz baılanys ornatýdyń ornyna, aýdan­daǵy de­pýtattyq korpýstyń jik-jikke bó­linýin uıymdas­ty­rýshylardyń biri bolǵan. Tipti, partııa fı­lıa­ly saıası keńes bıýrosynyń ke­lisiminsiz emdelip jatqan máslıhat hatshysyn aýys­tyryp ta jibergen. Oryn alǵan osy olqylyqtarǵa partııanyń Ortalyq apparaty aralasqannan keıin kemshilikter túzetilipti. Jumys isteı bastaǵanyna onsha kóp ýaqyt bola qoımaǵan Partııalyq baqylaý komıteti mú­she­leriniń óńirlerge saparynyń nátıjesi, mine, osyndaı. Partııanyń depýtattyq frak­sııa­la­ry­nyń qyzmeti aıasyndaǵy júzege asyrylǵan ju­mys­tar men kemshilikter ataldy. Bul partııalyq baqylaýdyń pármendiligin kórsetse kerek. Álısultan QULANBAI. HALYQTYQ TUǴYRNAMA: MEJELENGEN MAQSATTARDYŃ ORYNDALÝY QALAI? Masat BERIK,  “Nur Otan” HDP Jambyl oblystyq fılıaly tóraǵasynyń birinshi orynbasary. “Nur Otan” HDP 2009-2012 jyl­darǵa arnalǵan is-áreketter strate­gııasynda kórsetilgen, partııa da­mýynyń jańa kezeńine aıaq basqan jyl­dan beri oblystyq, qalalyq, aý­dandyq fılıaldarynda ishki par­tııa­lyq jumystar jańa arnaǵa qo­ıy­lyp, bastaýysh partııa uıym­da­rynyń qu­rylymdary eldi me­ken­derde yqpaldy kúshke aınalatyndaı etip kaıta uıymdastyrylýda. О́tken jyldan bastap 11 aýdan­dyq jáne Taraz qalalyq fı­lı­al­yn­daǵy 414 bastaýysh partııa uıymyn oń­taılandyrý arqyly 394 bastaýysh uıymy qurylyp, partııa jarǵysyna sáıkes bastaýysh partııa uıymdary ishinen – partııalyq toptar ashyl­dy. Bul qadam arqyly bas­ta­ýysh partııa uıymynyń jumy­syn­daǵy jal­pylamalyqty joıyp, partııa mú­­shelerimen jumysty jandan­dy­rý­ǵa jáne olardy elge jaqyndatýǵa qol jetkizildi. Ishki partııalyq menedjmenttiń jańa qaǵıdattaryn engizý maq­sa­tynda oblystyq partııa uıym­da­ryn­da “2010 jyl – bastaýysh partııa uıymy jyly” bolyp jarııalandy. Oblystyq fılıaldyń saıası ke­ńe­si­niń keńeıtilgen otyrysynda “Nur Otan” HDP Halyqtyq tuǵyr­na­ma­synyń, “Jol kartasy” men “100 mek­tep, 100 aýrýhana” baǵ­dar­la­ma­la­ry­nyń 2008-2009 jyldary oblysta oryndalý barysy jáne olardy iske asyrýǵa baılanysty alda turǵan mindetter týraly másele qaraldy. Partııa damýynyń jańa ke­ze­ńinde fraksııa jumysynyń aýqymy keńip, jaýapkershiligi artýyna baı­la­nysty “Qazaqstannyń ósip-ór­kendeýi men qazaqstandyqtardyń ıgi­ligi úshin: biz eldiń árbir aza­ma­ty­nyń ómirin qalaı jaqsartamyz?” atty partııanyń Halyqtyq tuǵyrnamasy  negizgi baǵyt bolyp aıqyndalǵan. Halyqtyq tuǵyrnamadaǵy adam den­saýlyǵy basty basymdyqqa ıe bolýyna baılanysty medısınalyq qyzmet kórsetýdi álemdik stan­dart­tar deńgeıine kóterý jáne olardyń ha­lyqqa qoljetimdi bolýy frak­sııa­nyń turaqty baqylaýyna alyndy. Aýyl turǵyndaryna medısınalyq qyzmet kórsetý sapasyn arttyrýda sońǵy eki jylda aıtarlyqtaı ju­mys­tar atqaryldy. Mysaly, “100 mektep, 100 aýrýhana” baǵdarlamasy boıynsha Jambyl aýdanynda kúnine 250 kelýshige arnalǵan emhana men Shý aýdanynda 150 oryndyq aý­rý­hana salyna bastady. Oblystyq bıýd­jet esebinen burnaǵy jyly 27 dá­rigerlik ambýlatorııa qurylysy bas­talyp, onyń 14-i paıdalanýǵa be­rildi. О́tken jyly onyń qalǵan 12-si paıdalanýǵa berilip, 6 am­býla­torııa men medısınalyq qo­syn­dar­dyń qurylysy bastaldy. Buǵan qosa “Jol kartasy” boıynsha jóndeýge tıe­sili 19 densaýlyq saqtaý ny­sa­nyna 557,4 mln.teńge qaralyp, bú­ginge 10 nysannyń jumysy aıaq­tal­dy. Aýyl­ǵa jas dárigerlerdi turaq­tan­­­dy­rý maq­satynda oblysqa kelgen 104 jas ma­­mannyń 57-i aýyldaǵy aýrý­ha­nalarǵa jumysqa ornalas­ty­ry­lyp, 35 mamanǵa járdemaqy berildi. Bilim berýdi damyǵan elderdiń stan­darttaryna jaqyndatý men qol­jetimdi etý partııa nazarynan tys qalǵan emes. Bilim berý sapasyn kó­terý men sońǵy úlgidegi aqparattyq teh­nologııalardy oqytý júıesine engizý jumystary boıynsha oblys­ta­ǵy barlyq mektep kompıýtermen qam­tamasyz etilip, onyń 92,8 pa­ıyzy ınternetke qosylǵan. Oblysta bilim berý salasyn qarjylandyrý jyl saıyn artyp keledi. Mek­tep­terdiń ınfraqurylymdyq júıesin nyǵaıtýda “100 mektep, 100 aýrý­ha­na” baǵdarlamasynyń orny erek­she. Burnaǵy jyly oblysta 10 mektep qurylysy júrgizilip, onyń 9-y jergilikti bıýdjet qarjysyna salyndy. Búgingi tańda 10 mekteptiń 4-i paıdalanýǵa berildi. Osyǵan oraı Úki­me­timizdiń álemdik qarjy daǵdarysynan shyǵýǵa arnalǵan is- qımyl josparynyń biri – “Jol kar­tasy” oblysymyzda bilim salasynda qor­dalanyp qalǵan jóndeý ju­mystarynyń sheshimin tabýyna kóp yqpal etti. Atap aıtsaq, “Jol kar­tasyna” baılanysty oblys bo­ıynsha 113 bilim berý nysanyn jón­deýge 2026,6 mln. teńge qarast­y­ryl­sa, onyń tórtten biri jergilikti bıýd­jettiń esebinen atqaryldy. Bıyl “Jol kartasyna” memleket tara­py­nan (199 jobaǵa) 5 mlrd. 224 mln. teńge jáne oblystyq bıýd­jet­ten 3 mlrd 374 mln. teńge qaralyp, 8489 jumys orny ashylady. Elbasy Saıası keńes bıýrosynda: “Ha­lyqpen tikeleı efır kezinde 40 myńnan astam suraq kelip túskenin eske alaıyq. Halyq maǵan nelikten munshalyqty kóp saýal joldady? Siz­der osyny oıladyńyzdar ma? Ha­lyqtyń aryz-shaǵymdarymen partııa men onyń árbir músheleri aınalysýy kerek” dep, “Nur Otan” HDP úlken jaýapkershilik artqany belgili. Osy oraıda partııanyń oblystyq fı­lıa­­lyna qarasty 12 qoǵamdyq qabyldaý bólimi ashylyp, elmen ete­ne jumys istep jatyr. Olar Elbasy tapsyr­ma­lary men aı­maq­tyq jáne aý­maq­tyq mem­le­ket­tik baǵdar­la­malardyń oryndalýyna qoǵamdyq qadaǵalaý júrgizý arqyly halyqtyń áleýmettik máselelerin zerdelep, olardy sheshý joldaryna yqpal eteýde. Alǵashqy jyldarǵa qaraǵanda par­tııanyń qoǵamdyq qabyldaýyna keletin adamdar sany kóbeıe tústi. Mysaly, 2006 jyly – 785, 2007 jyly – 2236 , 2008 jyly – 2890, 2009 jyly 4038 ótinish qaraldy. Qoǵamdyq qabyldaý bólimderine kelip túsken ótinishterdi zerdeleý ke­zin­de zeınetaqy men áleýmettik tó­lem­derge, turǵyn úı alýǵa, la­ýa­zymdy adamdardyń zańsyz áre­ket­teri men sot sheshimderiniń oryn­dal­maýyna baılanysty ótinishterdiń kó­beıgeni belgili boldy. Sondaı-aq, kásip­kerler tarapynan qarama­ǵyn­da­ǵy jumysshylarynyń jalaq­y­la­ryn ýaqtyly tólemeý faktileri de oryn alǵandyǵy anyqtaldy. My­sa­ly, atalǵan mazmunda 48 ótinish tústi. Oblys basshylarynyń elmen kezdesýlerinde jáne oblystyq, aýdan­dyq máslıhat depýtattarynyń atqarýshy organ basshylarymen birlesip ótkizgen qoǵamdyq qabyl­daý­lar barysynda elden túsken ózek­ti máseleler bankisi qurylyp, 139 ma­ńyzdy máselege baılanysty ar­naıy is-sharalar jasalyndy. Negizgi máse­le­ler qataryna aýyz sýmen qam­tamasyz etý, jol jóndeý, áleýmettik ny­san qurylystaryn júrgizý, tele­kom­­mý­nı­kasııa torabynyń jumysy jáne ba­labaqsha ashý sııaqty máseleler engen. Prezıdent N. Nazarbaevtyń “Jańa onjyldyq – jańa ekono­mı­ka­lyq órleý – Qazaqstannyń jańa múm­kindikteri” atty Qazaqstan hal­qyna Joldaýyn iske asyrýdy aq­parattyq-nasıhattyq turǵydan qam­tamasyz etýdi uıymdastyrý da ná­tıjeli júrgizilýde. Bekitilgen kestege sáıkes barlyq deńgeıdegi 82 aq­pa­rat­tyq-nasıhattyq top músheleri aýdandar men Taraz qalasynda 353 kezdesý men turǵyndar jıyndaryn ótkizip, oǵan 38 myńnan asa adam qatysty. Kezdesý barysynda tur­ǵyn­­dar Elbasynyń ústimizdegi jyl­ǵy Joldaýyn tolyǵymen qýattap, ár­túrli baǵyttaǵy usynystar men pikirler bildirdi. “Jas Otan” jastar qanaty uıymdastyrǵan “О́rle, aýylym!” atty jastar avtokerýeni Jambyl, Talas, Baızaq, Merki jáne Shý aýdandarynda 25 kezdesý ótkizip, oǵan 2750 aýyl jastary qatysty. “Nur Otan” HDP-nyń óńirlerde ótkizip jatqan aksııasy oblystaǵy Shý qa­la­synda partııa Tóraǵasynyń bi­rinshi orynbasary N. Nyǵma­tý­lın­niń qatysýymen jalǵasyn tapty. Oblysta Jeńistiń 65 jyldyǵyna arnalǵan ıgilikti is-sharalar da bas­ta­lyp ketti. О́ńirdegi 851 soǵys arda­geri men múgedegin áleýmettik ja­ǵy­nan qoldaý arnaıy jospar boıynsha júrgizilýde. Aty ańyzǵa aınalǵan Baýyrjan Momyshulynyń 100 jyl­dyq mereıtoıyna arnalǵan is-sha­ralar júrgizilýde. Sondaı-aq, “Nur Otan” HDP oblystyq fılıaly Uly Otan soǵysy týraly eń úzdik ocherkterge baıqaý jarııalady. “Nur Otan” HDP HII sezinde par­tııa kóshbasshysy Nursultan Nazarbaev partııa aktıviniń aldynda jańa aýqymdy mindetter qoıǵan bolatuǵyn. Sol mindetterdiń biri – partııanyń ishki tártibin nyǵaıtý jáne Partııalyq baqylaý komı­te­tiniń jumysyn kúsheıtý bolyp bel­gilendi. 2009 jyly partııanyń ba­qylaý komıssııalary qurylyp, daǵ­darysqa qarsy baǵdarlama aıasynda bólingen memleket qarjysyn paı­dalaný barysyn baqylaý boıynsha “Jol kartasy” men “100 mektep, 100 aýrýhana” baǵdarlamasyna kiretin nysandarda 251 partııalyq baqylaý beketi ashylyp, oǵan 168 fraksııa múshesi jetekshilik etti. Partııalyq baqylaý beketiniń baqylaýynda bol­ǵan nysandarda jobadan aýytqý, sa­pasyz, standartqa saı emes qu­rylys materıaldaryn paıdalaný jáne Úki­mettiń qaýlysyna sáıkes jergilikti tur­ǵyndardy jumysqa alý máse­leleri boıynsha zańsyzdyqtar anyqtalyp, ornyna keltirildi. Jemqorlyqqa qarsy zańnamany saqtaý, memlekettik qarajattyń maq­sat­ty jumsalýy, aımaqtyq baǵ­dar­lamalardyń oryndalýy boıynsha Jambyl, Jýaly, Shý aýdandarynda oblystyń partııalyq baqylaý ko­mıs­­sııasynyń kóshpeli otyrysy ótti. Atalǵan aýdandardaǵy jol jón­d­eý jumystaryndaǵy keleń­siz­dik­terge baılanysty aýdan tur­ǵyn­darynan túsip jatqan hattar men usy­­nystar, qalyptasqan qoǵamdyq pikir tóńireginde jumystar júr­gi­zi­lý­de. Bıyl qalalyq jáne aý­dandyq fı­lıaldar Saıası keńesi bıýro­sy­nyń qaýlaryna sáıkes “Jol kar­ta­syndaǵy” 199 nysanǵa 175 fraksııa mú­shesi jetekshilik etedi. Sol sııaqty Partııalyq baqylaý komıtetiniń usynysy boıynsha Taraz qalasyn­daǵy 33 medısınalyq mekemede 28 partııalyq baqylaý beketi ashyldy. Elbasy, “Nur Otan” HDP Tóra­ǵa­sy Nursultan Nazarbaev par­tııa­nyń kezekten tys HII sezinde sóı­legen sózinde: “Halyqtyq tuǵyr­na­mada kórsetilgen, el aldynda ýáde etken isterdi daǵdarys jaǵdaıynda da odan ári atqarý mindetteri júkteledi, munyń bárinen de biz zor ta­bystarmen shy­ǵamyz” dep atap kór­setken bolatyn. Memleket bas­shysynyń osynaý salıqaly saıasaty negizinde qabyl­danǵan “Nur Otan” halyqtyq-demo­kratııalyq par­tııa­synyń Halyqtyq tuǵyrnamasy el ekonom­ı­kasynyń damýyn, qazaq­standyqtardyń ómir súrý sapasyn arttyrýdy kózdegen birden-bir qujat ekenin ýaqyttyń ózi dáleldep berýde. Taraz.