Emdeý- dıagnostıkalyq ortalyǵy qalalyq №2 kópbeıindi aýrýhana bazasynda ashyldy.
«Bul bólim júrek, búırek, baýyr, júıke, júrek-revmatologııalyq sııaqty aýyr ekstragenıtaldik aýrýlarǵa shaldyqqan júkti áıelderge arnalǵan. Olar dıagnostıkalyq qyzmetterdiń barlyq spektrin, mamandardyń konsýltasııalaryn ala alady. Bul mekemedegi barlyq qajetti mamandyqtar joǵary deńgeıde usynylǵan», – dedi densaýlyq saqtaý departamenti bastyǵynyń orynbasary Maǵrıpa Embergenova.
Ortalyqta biliktiligi joǵary sanatty dárigerler jumys isteıdi. Al bólmeler zamanaýı standarttarmen jabdyqtalǵan. Qabyldaýdy gınekolog, akýsher-gınekolog, terapevt, genetıka, kardıolog, nevropatolog, pýlmonolog, mammolog, revmatolog, endokrınolog, nefrolog, ýrolog, hırýrg, gastroenterolog jáne basqa da mamandar júrgizedi. Kóp tártiptik komıssııa júktilik pen bosanýdy basqarý jónindegi keńes beredi.
Júktilik monıtorıngi baǵdarlamasy sarapshy-ýltradybystyq, ekinshi jáne úshinshi trımestrge skrınıng, uryqtyń zerthanalyq dıagnostıkasynyń tolyq spektrin qamtıdy. Naýqastar dıagnostıkadan ótip, em de qabyldaıdy. Munda kúndizgi stasıonar, kishigirim ambýlatorııa, tipti akýpýnktýra jáne massaj bólmeleri bar. Qalalyq №2 aýrýhananyń bas dárigeri Ivan Lıdiń aıtýynsha, ortalyq eki júıe boıynsha pasıentterdi qabyldaıdy. Birinshiden, memlekettik emhanalarmen qosalqy kelisimsharttar boıynsha. Eger memlekettik emhana áıelge osy ortalyqqa joldama berse, barlyq ǵylymı-saraptamalyq keńester oǵan tegin beriledi.
«Ekinshi ádis: kez kelgen adam emhana beretin jóneltpe hatsyz bizben tikeleı baılanysyp, osynda tekserýden aqyly negizde óte alady. Qyzmet baǵalary baǵdarlama ákimshisi arqyly retteledi. Olar jeke emhanaǵa qaraǵanda áldeqaıda tómen. Siz ózińizdiń densaýlyǵyńyzdy júktilikti josparlaý kezeńinde de, keıin de, kez kelgen ýaqytta teksere alasyz», - dep túsindirdi I. Lı.
Emdeý-dıagnostıkalyq ortalyǵynyń jetekshisi Elmıra Nuralınanyń aıtýynsha, ortalyq 3 qańtarda synaq rejıminde iske qosylǵan, qazir 153 naýqas qaralýda. Biraq tutastaı alǵanda, olar kúnine 500-ge deıin adamdy qabyldaýǵa daıyn.