Joba iKomek 109 ortalyǵy men Nur Otan partııasy fılıalynyń qoǵamdyq qabyldaýy birigýiniń aıasynda jumys isteıdi.
Birlesken joba aǵymdaǵy jyldyń aqpan aıynda «Nur Otan» partııasynyń XVIII sezinde partııa tóraǵasy Nursultan Nazarbaev aıtqan áleýmettik saıasatty iske asyrýǵa tolyq múmkindik beredi. Jańa áleýmettik saıasat halyqtyń álsiz toptarynyń tabysy men ál-aýqatyn arttyrýǵa, atap aıtqanda kópbalaly, tolyq emes jáne az qamtylǵan otbasylardy, bıýdjettik uıymdardyń qyzmetkerlerin qoldaýǵa, densaýlyq saqtaý salasyn damytýǵa, bıznes pen áleýmettik ınfraqurylymdy damytýǵa, jergilikti joldar jelisin jóndeýge, salýǵa jáne keńeıtýge baǵyttalǵan.
«Endi «Nur Otan» partııasy astanalyq fılıalynyń qoǵamdyq qabyldaýyna azamattardan kelip túsken ótinishter iKomek 109 ótinishter júıesinde avtomatty túrde tirkeledi. Elordalyq IKomek109 biryńǵaı baılanys ortalyǵynyń múmkindikterin paıdalaný halyqpen keri baılanystyń myqty júıesin qalyptastyrýǵa kómektesedi», – delingen partııanyń elordalyq fılıalynyń baspasóz qyzmeti taratqan habarlamada.
Ákimdiktiń IKomek 109 biryńǵaı baılanys ortalyǵy 2018 jyldyń qańtarynan bastap jumys isteıdi. О́tken jyly ortalyq mıllıonnan astam ótinishti qabyldady. Kún saıynı munda 14 myńǵa tarta ótinish kelip túsedi. Olardyń atqarylý paıyzy 99%-dy quraıdy. Jyl basynan ortalyqqa 500 000-nan astam ótinish kelip tústi.