«Baıqaýdyń maqsaty – ónegeli qundylyqtardy jańǵyrtý, balalardy tárbıeleýde ata-ananyń jaýapkershiligin arttyrý, otbasy qundylyqtaryn keńinen nasıhattaý, qazaqstandyq otbasynyń jaǵymdy ımıdjin úgitteý», – delingen baıqaýdyń uıymdastyrýshylary taratqan habarlamada.
Konkýrs QR Úkimetiniń 2014 jylǵy 5 naýyryzdaǵy №181 qaýlysymen bekitilgen «Mereıli otbasy» ulttyq konkýrsyn ótkizý qaǵıdalaryna sáıkes júzege asyrylady.
Qatysýǵa ótinim tómendegi qujattarmen birge beriledi:
1) ata-analardyń (qorǵanshylardyń, qamqorshylardyń) jeke basyn kýálandyratyn qujattardyń kóshirmeleri, balalardyń týý týraly kýálikteriniń kóshirmeleri;
2) asyrap alýshy (qorǵanshy) otbasylar úshin - jergilikti ýákiletti organnyń kámeletke tolmaǵan balaǵa qorǵanshylyqty (qamqorshylyqty) belgileý týraly sheshiminen úzindi kóshirme;
3) neke qııý týraly kýáliktiń kóshirmesi (bar bolsa);
4) ata-analarynyń bireýi qaıtys bolǵan jaǵdaıda, qaıtys bolý týraly kýáliktiń kóshirmesi (bar bolsa);
5) balalardy tárbıelegeni úshin alǵan kótermeleýlerdiń, belgili bir jetistikteri úshin alǵan kótermeleýlerdiń bar ekenin kýálandyratyn qujattardyń kóshirmeleri;
6) balalardyń, ata-analardyń (qorǵanshylardyń, qamqorshylardyń) jumys (oqý) ornynan anyqtamalar jáne minezdemeler;
7) usynymdar (áriptesteriniń, kórshileriniń, dostarynyń);
8) otbasy músheleriniń eńbektegi, sporttaǵy, shyǵarmashylyq, zııatkerlik, ǵylymı joǵary jetistikterin kýálandyratyn qujattardyń kóshirmeleri.
Konkýrsqa qatysýǵa ótinim berý úshin qujattar túpnusqamen tapsyrylýy qajet.
Konkýrsqa qyzmeti Qazaqstan Respýblıkasynyń aýmaǵynda tyıym salynǵan uıymdardyń quramyna kiretin (kirgen) músheleri bar jáne buryn sottalǵan músheleri bar otbasylar konkýrsqa qatysa almaıdy.
Baıqaýǵa qatysý úshin ótinim men qujattar Nur-Sultan qalasynyń Almaty, Baıqońyr, Esil, Saryarqa aýdan ákimdikterinde jáne (nemese) Nur-Sultan qalasynyń Qoǵamdyq damý isteri basqarmasynda (Beıbitshilik kóshesi, 11, 526 kabınet) qabyldanady. Konkýrsqa qatysýǵa ótinimder tıisti qujattar qosa tirkelgen arnaıy nysan boıynsha qalalyq komıssııalarǵa 2019 jylǵy mamyrdyń 3-ne deıin beriledi.
Qosymsha aqparatty alý úshin 55-66-98, 55-67-08, 55-67-01, 8 701 145 90 34 baılanys nómirlerine habarlasýǵa bolady.