Synaqtan súrinbeı ótýi tıis

Beısenbi, 3 mamyr 2012 7:51

Aǵymdaǵy jyldyń qań­taryndaǵy Joldaýynda El­basy «Prezıdenttik kadr­lyq rezervin» qalyp­tas­ty­rý tóńireginde jáne quqyq qorǵaý organdarynyń sa­pa­ly kadrlyq jańartý má­se­lesin sheshý, barynsha qys­qa merzim ishinde onyń bú­kil jeke quramyn qaıta attestattaý týraly máseleni qozǵady. Endi mine, «Qa­zaq­stan Respýblıkasynyń qu­qyq qorǵaý organdary qyz­met­kerlerin kezekten tys attestattaýdan ótkizý tý­ra­ly» Jarlyqqa qol qoıdy.

Beısenbi, 3 mamyr 2012 7:51

Aǵymdaǵy jyldyń qań­taryndaǵy Joldaýynda El­basy «Prezıdenttik kadr­lyq rezervin» qalyp­tas­ty­rý tóńireginde jáne quqyq qorǵaý organdarynyń sa­pa­ly kadrlyq jańartý má­se­lesin sheshý, barynsha qys­qa merzim ishinde onyń bú­kil jeke quramyn qaıta attestattaý týraly máseleni qozǵady. Endi mine, «Qa­zaq­stan Respýblıkasynyń qu­qyq qorǵaý organdary qyz­met­kerlerin kezekten tys attestattaýdan ótkizý tý­ra­ly» Jarlyqqa qol qoıdy.

Prezıdent Nursultan Na­­zarbaevtyń bul Jar­ly­ǵy el tarıhynda alǵash ret quqyq qorǵaý organdary júı­esinde jańa kadrlyq áleýetti qalyptastyrýǵa ja­salǵan batyl qadam dep bilemin.

Bul attestattaýdyń maq­saty – quqyq qorǵaý júıesi qyzmetkerleriniń kásibı daıyndyq deńgeıin, biliktigi men bilimdiligin, quqyq­tyq saýattylyǵy, dene bitimi kelistiligin, olar­dyń qa­zirgi zamanǵy talaptarǵa sáı­kestigin anyq­taý jáne mo­raldyq-adamgershilik jaǵyn tekserý bolyp ta­bylady.

Qaı sala bolmasyn, onda qyzmet etetin maman­dar­dyń biliktiligi, adamı-mo­ral­dyq qasıetteri, jaýapkershiligi, ustamdylyǵy, beıim­diligi, etıkasy joǵa­ry bolýy kerek. Ár maman óz salasynyń kásibı sheberi bolsa, sonda ǵana jumys óz deńgeıinde júredi. Ási­re­se, quqyq salasynda qa­te­lesýge, múlt ketýge, «kóz qysty, barmaq basty» ja­saýǵa eshqashan jol berilmeýi tıis. О́kinishke qaraı, sońǵy kezderi quqyq qorǵaý organdary qyzmetker­leri­niń sapalyq emes, sandyq kórsetkishiniń artyp bara jatqandyǵy jıi aıtylýda. Qarapaıym halyq quqyǵyn qorǵaýǵa júginetin birden-bir ádiletti degen organnyń bet-beınesiniń, bedeliniń tú­sýi, ondaǵy qyzmetker­ler­diń qyzmet babyn óz paıdasyna sheship nemese asyra paıdalanýy, adam taǵdyryn sheshýde qate­le­sýi, árıne, keshirilmeıtin jáıt. Quqyqtyq sanasy tómen, biliktiligi syn kó­ter­meıtin quqyq organda­ry­nyń ókilderi azamattyq qoǵam úshin úlken qaýip. Sondyqtan quqyq qorǵaý qurylymdarynyń barlyq qyzmetkerlerin attestattaý­dan ótkizý arqyly quqyq qorǵaý organdaryn retke keltirý óte oryndy dep bilemin. Sonymen qatar, bul shara quqyq qorǵaý organ­darynyń qyzmetin jetildirý tetikteriniń biri dep sanaımyn.

«Qazir boı jarys­ty­ra­tyn zaman emes, oı ja­rys­tyratyn zaman», dep Elba­sy­myz aıtqandaı, attestat­ta­latyn árbir qyzmetker bilek emes, bilimine senýi kerek. О́z isine myǵym, mamandyǵyn qurmetteıtin, bilikti de bilimdi azamat qashanda zańdy arqaý etedi.

Attestattaý komıssııa­sy­nyń quramyna BAQ ókil­deri, ǵalym-zańgerler, depýtattar, qoǵamdyq birlestikter ókilderi, psıholog-mamandar jáne sol sa­la­nyń tájirıbeli maman­da­ry engeni durys bolar edi.

Lázzat ERKINBAEVA, I.Jansúgirov atyndaǵy Jetisý memlekettik ýnıversıtetiniń birinshi prorektory, zań ǵylymdarynyń doktory, professor.