Birikken Arab Ámirlikteriniń Ál-Aın qalasynda stend atýdan lısenzııalyq álem kýbogi ótýde. Qazaqstan komandasynyń múshesi Maksım Kolomoes transheıalyq stend baǵdarlamasy boıynsha alǵashqy altylyq qatarynan kórindi. Bul týraly Olympic.kz habarlady.
Erler arasyndaǵy synda 123 upaı jınaǵan Kolomoes jalpy esepte altynshy orynǵa taban tiredi. Bul Maksımniń maýsymdaǵy úzdik kórsetkishteriniń biri. Rýslan Berdov 60-shy, Andreı Mogılevskıı 110-shy orynda.
Áıelder arasyndaǵy eń joǵary kórsetkish Sársenkúl Rysbekovaǵa tıesili. Ol 116 upaımen 19-shy orynǵa turaqtady.
Marııa Dmıtrıenko 22-shi, Anastasııa Davydova 35-shi satyda.