Jıynǵa vıdeokonferens baılanysy arqyly partııanyń oblystyq fılıaly tóraǵalarynyń birinshi orynbasarlary jáne partııa aımaqtyq fılıaldarynyń qyzmetkerleri de qatysty. Is-shara barysynda partııa Tóraǵasy bergen tapsyrmalardy oryndaý barysy talqylanyp, onyń naqty joldary sóz boldy.
Sóz basynda Máýlen Áshimbaev kezekten tys prezıdent saılaýyn ótkizý týraly sheshimniń óte oryndy ári ýaqytyly qabyldanǵanyn atap ótti. Sondaı-aq ol Prezıdenttiń bul jaýapty sheshim boıynsha Elbasymen aqyldasqanyna, Parlamenttegi qos palata spıkerimen, Premer-Mınıstrmen keńeskenine, Konstıtýsııalyq Keńestiń kelisimine júgingenine jáne Parlamenttegi partııa jetekshilerimen kezdeskenine nazar aýdaryp, «Nur Otan» partııasynyń atalǵan tarıhı sheshimdi qoldaıtynyn jetkizdi.
– Biz Qazaqstan Prezıdenti Qasym-Jomart Toqaevtyń kezekten tys prezıdent saılaýyn ótkizý týraly sheshimin tolyǵymen qoldaımyz. Bul bıliktiń turaqtylyǵy men eldiń birligin nyǵaıtý úshin qabyldanǵan ýaqytyly ári óte oryndy sheshim. «Nur Otan» partııasy saılaý naýqanyna tas-túıin daıyn. Ol úshin biz ózimizdiń uıymdastyrýshylyq, kadrlyq, saıası jáne aqparattyq áleýetimizdi paıdalanyp, zań aıasynda jumys isteımiz. Saılaý elimizdegi turaqtylyq pen birliktiń odan ári kúsheıýine oń áserin tıgizip, halyqty Elbasynyń saıasaty aıasynda jańa maqsattarǵa jeteleıdi dep senemiz, – dedi Máýlen Áshimbaev.
Sonymen qatar ol saılaýǵa «Nur Otan» partııasynyń belsendi túrde qatysatynyn jetkizdi.
– Elimizdegi jetekshi saıası partııa retinde «Nur Otan» prezıdent saılaýyna belsendi túrde qatysady. Partııa Tóraǵasynyń tapsyrmasyna sáıkes partııamyz saılaýǵa qatysý úshin óz kandıdatyn usynady. Soǵan baılanysty búgin Nursultan Ábishuly Nazarbaev 2019 jyldyń 23 sáýirinde partııanyń kezekten tys XIX sezin shaqyrý týraly Qaýlyǵa qol qoıdy. Sol sezde «Nur Otan» atynan saılaýǵa qatysatyn kandıdattyń esimi belgili bolady, – dedi Máýlen Áshimbaev.
Odan bólek, is-sharada «Nur Otan» partııasynyń Elbasy saıasatynyń odan ári jalǵasýynyń basty kepili ekeni týraly aıtyldy.
– Bizdiń saıası uıym Elbasy anyqtap bergen jańǵyrý jumystary men elimizdiń qazirgi damý qarqynynyń ári qaraı saqtalýy úshin jumys isteıdi. Tuńǵysh Prezıdentimizdiń tikeleı bastamasymen qolǵa alynǵan aýqymdy ekonomıkalyq, áleýmettik, saıası jáne rýhanı jańǵyrýlar partııa men memleketimizdiń aldaǵy jumys baǵyttarynyń negizgi basymdyǵy bolyp qala beredi, – dedi «Nur Otan» partııasy Tóraǵasynyń Birinshi orynbasary.
Jıyn sońynda Máýlen Áshimbaev partııanyń Ortalyq apparaty men barlyq deńgeıdegi fılıaldaryna jáne bastaýysh partııa uıymdaryna aldaǵy saılaý naýqanyna qatysty birqatar naqty tapsyrmalar berdi.