Prezıdent Úndeýin qoldaıdy

Jıyn barysynda Arda­ger­ler uıymynyń Orta­lyq keńe­siniń tóraǵasy Baqty­qoja Izmuhambetov el arda­gerleri kezekten tys Prezıdent saıla­ýyn ótkizýge tolyq qosylatynyn jáne qaı jerde tynyshtyq bolsa, sol jerde bereke men birlik bolaryn alǵa tartyp, el ekonomıkasy da artyp, mem­­lekettiń áleýeti kúsheıe túse­tinin jetkizdi. «Búgin biz Respýblıkalyq Ardagerler qoǵamdyq birles­tiginiń prezıdıýmyn ótkizdik. Bul prezıdıýmda qaral­ǵan máse­le Prezıdentimiz Q.Toqaev­tyń Qazaqstan aza­mat­taryna arnaǵan Ún­deýine baılanysty boldy. Ardagerler uıymy bul sheshimge úlken túsinistikpen qaraıdy», dedi B.Izmuhametov. Onyń aıtýynsha, zań boıynsha Prezıdentke  kelesi saılaýǵa deıin otyrýǵa bolar edi. Biraq Q.Toqaev eldiń múddesin oılap, kezekten tys saılaý ótkizýdi uıǵardy.  «Mine, sondyqtan osy sheshim qabyldanyp, 9 maýsymda elimizde prezı­denttik saılaý ótkeli otyr. Bul prezıdenttik saılaý túrli keleńsizdikterdiń aldyn alady. Onyń ústine elimiz táýelsizdik alǵan kezden bastap Tuńǵysh Pre­zıdentimiz Nursultan Ábish­ulynyń tynymsyz eńbe­giniń arqasynda elimizge asa kólemdi ınvestısııalar keldi. Mine, sol ınves­tısııa salǵan alpaýyt fırmalar, kompanııalar qazir alańdaýda. Sondyqtan qazir azǵantaı ýaqyttyń ishinde hal­qymyz óziniń prezıdentin saı­lap, eldiń birligin, tutasty­ǵyn, tynyshtyǵyn tolyqtaı qam­­­t­a­masyz etýi tıis. Bul der ke­zin­d­e qabyldanǵan sheshim», dedi ol. Ardagerler uıymy Or­ta­lyq keńesiniń keńeıtilgen oty­rysynda atalǵan uıym tóraǵa­synyń birinshi orynba­sary О́mirzaq Ozǵanbaev 19 naý­ryzda Elbasynyń prezıdent­tik óki­lettigin toqtatýy tarıhı she­shim bolǵanyn tilge tıek etip, aldaǵy saılaýdyń halqymyz úshin mańyzyn atap ótti. Onyń aıtýynsha bul sheshimdi ardagerler qaýymy tolyq qoldaıdy. «Qazaqstan tarıh sahnasynan oıyp turyp óz ornyn aldy. Táýelsizdik – táńirdiń bizdiń urpaqqa bergen úlken baqyty, halqymyzdyń máńgilik qun­dylyǵy. Biz búgingi jetis­tikterimizge táýelsizdiktiń arqa­synda qol jetkizdik. Qazaq­stan búginde Eýrazııanyń júregin­de ornalasqan, tatý-tátti ómir súrip jatqan kópultty memleket. Az ýaqyttyń ishinde elimiz, sport, bilim, ǵylym, mádenıet, ónerde iri tabystarǵa qol jetkizdi. Tatýlyq pen birlikti alǵa tartqan Qazaqstan búginde Ortalyq Azııadaǵy elderdiń kóshin bastap keledi. 19 naýryzda Elbasynyń prezıdenttik ókilettigin toqtatýy tarıhı sheshim boldy. Elbasymyzdyń táýelsiz Qazaqstanǵa sińirgen eńbegi ushan-teńiz. Prezıdenti­miz Qasym-Jomart Toqaev Qazaqstan aza­mat­taryna arnaǵan Úndeýinde aldaǵy el Prezıdentin saılaýdy kezekten tys ótkizýdiń elimiz úshin mańyzdylyǵyn negizdedi. Álemdegi halyqaralyq saıası ahýal turaqsyz bolyp tur­ǵan kezeńde el qaýipsizdigine tike­leı qatysty, qoǵamdyq-saıası kelisimdi qamtamasyz etý, alǵa qaraı nyq jyljý, áleýmettik-ekonomıkalyq damý minde­t­terin sheshý úshin  Prezıdenttiń ókilettigi tolyq bolýy kerek. Saılanǵan Prezıdent, halyqtyń senimin alǵan tulǵa eldiń atynan batyl sheshimder qabyldaı alady. El ardagerleri Prezıdent saılaýyn ótkizý elimiz úshin durys sheshim dep biraýyzdan qoldaıdy», dedi О́.Ozǵanbaev.