Q. A. Iаssaýı atyndaǵy Halyqaralyq Qazaq–Túrik ýnıversıtetiniń Mádenıet saraıynda kóp balaly analarmen, az qamtylǵan otbasylarmen, eńbek ardagerlerimen, múmkindikteri shekteýli jandarmen, bilim jáne densaýlyq saqtaý salasynyń qyzmetkerlerimen kezdesýler ótti.
«Búginde memlekettik saıasattyń negizgi basymdyǵy halyqtyń laıyqty turmys deńgeıin qamtamasyz etý. Respýblıkalyq bıýdjetten áleýmettik salaǵa barlyq shyǵyndardyń 45% baǵyttaldy. Túrli baǵdarlamalar aıasynda aýqymdy áleýmettik ınvestısııalar iske asyrylýda. Eń bastysy, áleýmettik saıasat teńdestirilgen jáne áleýmettik asyraýda bolýǵa ıtermelemeýi kerek» dedi G. Ábdiqalyqova.
Halyqpen kezdesý aıaqtalǵannan keıin G. Ábdiqalyqova az qamtylǵan azamattarǵa áleýmettik qoldaý kórsetý boıynsha memlekettik sharalardy túsindirý boıynsha azamattardyń jeke qabyldaýyn ótkizdi.
Túrkistan oblysynda QR Premer-Mınıstriniń orynbasary Kúltóbe qalashyǵyndaǵy ǵylymı-restavrasııalyq jumystarmen tanysty jáne memlekettik organdardyń, vedomstvoǵa baǵynysty mekemelerdiń jáne IýNESKO-nyń halyqaralyq sarapshylarynyń ókilderimen kezdesý ótkizdi. Keńes barysynda Qazaqstannyń tarıhı murasy — Q. A. Iаssaýı kesenesin saqtaý máseleleri talqylandy. Keńes qorytyndysy boıynsha naqty tapsyrmalar berildi.
Eńbek jáne halyqty áleýmettik qorǵaý mınıstri B. Saparbaev Halyqty jumyspen qamtý ortalyǵynyń jumysyn tekserip, jańa formatta ataýly áleýmettik kómek kórsetý prosesimen tanysty. Búgingi tańda oblysta AÁK alýshylar sany 207 myńnan 283 myń adamǵa deıin artty, osy maqsattarǵa qarjy qajettiligi 14 mlrdtan 45 mlrd teńgege deıin ósti.
Jumys toby «Kentaý transformator zaýyty» AQ bazasynda aýdandar, qalalar ákimderimen, ónerkásiptik kásiporyndardyń basshylarymen, bıznes-qurylymdar, kásipodaqtyq uıymdar basshylarymen keńes ótkizdi. G. Ábdiqalyqova ónerkásiptik kásiporyndardyń, bıznes qurylymdardyń basshylaryn ózderiniń tabysy tómen qyzmetkerlerin qoldaýǵa, turǵyn úı satyp alýǵa kómektesýge, olardy jóndeýge qarajat bólýge, baspana nesıeleri boıynsha bastapqy jarnalardy tólep berýge shaqyrdy.
Búginde óńir kásipkerleri 11 kóp balaly otbasyny turǵyn úımen qamtamasyz etti. Qazyǵurt aýdanynyń kásipkeri S. Ertaev kóp balaly Erjanovtar otbasyna úı satyp alyp berdi jáne Túrkııada naýqas balanyń otbasyna operasııa jasaýǵa 4 mln teńge bóldi.
Jumys tobynyń músheleri densaýlyq saqtaý, bilim berý salasynyń qyzmetkerlerimen birqatar kezdesýler ótkizdi, azamattardy qabyldady, sondaı-aq áleýmettik nysandar men qurylys alańdaryna bardy. Bilim jáne ǵylym mınıstri K. Shámshıdınova Kentaý qalasynda boldy, densaýlyq saqtaý vıse-mınıstri L. Aqtaeva men Qurylys jáne turǵyn-kommýnaldyq sharýashylyq isteri komıtetiniń tóraǵasy M. Jaıymbetov Túrkistan qalasynda boldy.
Jumys tobynyń quramyna eńbek jáne halyqty áleýmettik qorǵaý mınıstri B. Saparbaev, bilim jáne ǵylym mınıstri K. Shámshıdınova, densaýlyq saqtaý vıse-mınıstri L. Aqtaeva, Qurylys jáne turǵyn-kommýnaldyq sharýashylyq isteri komıtetiniń tóraǵasy M. Jaıymbetov kirdi.