Depýtatyq saýaldyń tolyq mátinin nazarlaryńyzǵa usynyp otyrmyz:
Qazaqstannyń halyqaralyq bedeline úlken úles qosyp kele jatqan sala – óner men sport salasy. Bul eki salaǵa mamandar daıyndaýdyń ózindik ereshelikteri bar. Sebebi eki salaǵa da mamandar daıyndaý mektepten bastalady. О́ner jáne sport salasyndaǵy arnaıy mektepterde 4-shi synyptan daıyndyq bastalyp, olar keıin óz bilimderin orta arnaıy oqý oryndary – kolledjderde, sonan soń joǵary oqý oryndarynda jalǵastyrady. Qazaqstandaǵy óner jáne sport salasyndaǵy úzdiksiz bilim berý júıesiniń qalyptasýynyń nátıjesinde biliktiligi joǵary mamandar ár túrli halyqaralyq baıqaýlar men jarystarda, olımpıadalarda eldiń namysyn qorǵap, joǵary jetistikterge jetýde. Qazir elimizdegi óner salasyndaǵy 7 kolledjde jyl saıyn 600 – den astam túlek bitirse, al sport salasynda maman daıyndaıtyn 5 arnaıy kolledjde 200-ge jýyq túlek bitiredi. Jyl saıyn túlekterdiń 60-70 % joǵary oqý oryndaryna qujat tapsyrady. Alaıda sońǵy jyldary kolledj túlekteriniń joǵary bilim alýyna belgili bir kedergiler týyndaýda. О́ner jáne sport salasyndaǵy kolledjderde oqyp júrip, halyqaralyq deńgeıde joǵary jetistikke jetken túlekter joǵary oqý oryndaryna túsý barysynda keshendi testileýden tómen baǵa alyp, memlekettik suranys boıynsha berilgen oryndarǵa óte almaı qalady.
Atap aıtqanda, 2018 jyly «dene shynyqtyrý jáne sport» mamandyǵyna bólingen 450 grantqa 2 353 ótinish berildi. О́tinish bergenderdiń ishinde 1222 sportshy bolyp, baıqaý qorytyndysy boıynsha olardyń tek 107 adam ǵana bilim grantyn aldy. Nátıjesinde júzdegen sportshylar, ár túrli jarystardyń chempıondary men júldegerleri, halyqaralyq dárejedegi 11 sport sheberi, 50 sport sheberi jáne 300-den astam sport sheberine úmitker memlekettik granttan tys qaldy. Olardyń qatarynda Qazaqstannyń aldyńǵy qatarly sportshylary frıstaıldan Eýropa chempıony Amrenova Aıaýlym, dzıýdodan Álem chempıony Ystybaı Aıbolat, karateden Álem chempıonatynyń qola júldegeri Belyh Ioanna jáne qol kúresten Nárik Dınara, karateden Azııa chempıony Ospanova Gúldana jáne kóptegen sportshylar bar.
Senator joǵaryda atalǵandardy negizge ala otyryp arnaıy kolledjderdiń túlekterin óner men sport salasyndaǵy jetken tabystaryna sáıkes keshendi testileýden bosatýdyń tetikterin qarastyrý týraly talap qoıdy.