Memleket basshysy Qasym-Jomart Toqaev kásipkerlerge «bir tereze» qaǵıdaty boıynsha qyzmet kórsetetin ortalyqtyń jumysymen tanysty. Bul týraly Aqordanyń baspasóz qyzmeti habarlady.
Ortalyq memlekettik satyp alý, býhgalterlik, salyq jáne statıstıkalyq esepter, kedendik rásimder, aqparattyq tehnologııalar boıynsha qyzmet kórsetedi. Sondaı-aq, bızneske memlekettik qoldaý kórsetý jáne kásipkerlerge quqyqtyq kómek berý máseleleri jóninde tegin keńes beriledi.
Sonymen qatar, Prezıdentke «Bastaý-Bıznes» baǵdarlamasynyń júzege asyrylý barysy baıandaldy. «Atameken» Ulttyq kásipkerler palatasynyń jobalary: túıe sharýashylyǵy, repetıtorlik ortalyq, tıpografııa, sulýlyq salony, stomatologııalyq kabınet, balabaqsha jáne basqa da bastamalar tanystyryldy.